نستعرض لكم اليوم تفاصيل الكشف الطبى الخاص بمتخصصين الشرطه وطريقه الكشف فى كل عياده واهم النصائح
هتروح ومعاك البطاقه + كارت التردد + صورتين ٤×٦ وهتكون قدام البوابه من الساعه ٦ ص
تعليمات هامة
- اوعي تاخد اي ادوية او مواد مخدرة قبل ما تروح الكشف الطبي
- احلق شعر الابط والعانة وشعر الراس والذقن قبل ما تروح
- تروح لدكتور انف واذن تعمل غسيل اذن قبل ما تروح بيوم
ملحوظة مهمه
- اول ما بتدخل بتنتظر لحد ما يندهوا علي اسمك وبتبقوا حوالي 20 واحد ومعاكم امين شرطة بيفضل معاكم من اول لاخر الاختبار
- كل واحد يحفظ رقم المجموعة بتاعته ورقمه كام ف المجموعه
- متروحش اي مكان من دماغك عشان بتبقوا مجموعات
- بعد كده المجموعة كلها هتطلع ف اوضه وتقلع كل هدومك وتحطها ف دولاب كدة هيبقي في حد قاعد هناك علشان محدش يسرق حاجه ولو عايز تاخد الموبايل خده بس هتسيبه ف الاوضه بعد كده هتروحوا لظابط هيتأكد من اسمكم وبطايقكم وصوركم
١- عياده الانف والاذن والحنجره :
الدكتور بيبص في الاذن لو الطبله مخرومه او كده والانف لو فيه اعوجاج في الحاجز الانفي ولو فيه حاجه من دول حاول تعالجهم قبل التقديم ولو كان في شمع كتير ف ودانك وانت مش غاسلها هيقولك روح اغسلها وتعالي تاني
٢- عياده الاسنان :
بيشوف الاسنان وممنوع تروح وانت عامل تقويم
٣- عياده الجراحه :
بتدخل علي الدكتور وتنزل اللبس وبيمسك الخصيتين وبيخليك تكح عشان يشوف فيه دوالي ولا لا وبعد كده بتلف وتوطي وبيشوف فيه عمليات بواسير او عمليات تانيه
٤- عيادات الرمد :
ودي بتقيس عمي الالوان والباقي عباره عن لوحه فيها دواير بتقف علي مسافه معينه وا بيشاور علي علامه وانت بتقول مفتوحه في انهي اتجاه ومسموح تكشف بالنضاره عادي وممنوع اللينسيس للبنات
٥- عياده العظام :
بتدخل تقف سبعه بيشوف شكل الجسم لو مش متناسق بيطلعك من قبل ما الكشف يبدأ وبعد كده بيشوف التقوس واللتصاق الفخدين وتراكب الركب وعدم تناسق الفقرات وهيخليك تعمل 3ضغطات
٦-عياده الجلديه :
بتدخل العياده والدكتور بيشوف عرق الايدين إلي عندة املاح وبعد كده بيشوف حب الشباب لوبعد كده بيشوف لو فيه غرز او تعاوير وبيشوف الحروق والوحمات
الموضوع مش بياخد اكتر من ساعه او سعتين للمجموعة ان شاء الله ومفيش كشف بالترتيب يعنى حسب ما الامين او الطالب اللى معاكوا يدخلكوا
7-كشف الباطنة
كشف الباطنة دا بيكشف عن الطحال والمعدة واشياء اخري في البطن
8-كشف النفسية
بيطلب منك النطق ببعض العبارت علشان يشوف عندك حرف ولا لا زى(44 66) او امر امير الامراء بحفر بئر في الصحراء وهكذا
٩- بتعمل تحليل بول ودم
١٠- عياده القلب وفيه هتلاقي دكتور بيسمع ضربات قلبك بسماعه
والكشف العام دة بيبقى عبارة انى لواء او عقيد ومعاة ناس تانية بيشوفوا شكلك العام فية حاجة ولا ولا وبيبصوا ساعات عن الناس الي سقطت عشان لو في حاجه متستاهلش .... يعنى لو سقطت فى حاجة عبيطة وانت بتكشف ممكن الكشف العام دة يعديك منها لو عادية مش هتاثر عليك .. وبعد كدة تلبسوا وتروح
البوست ده خاص بالبنات في الطبي وبس
اي حد هيدي تعليق سخيف او هيعمل حتي React haha هيتمسح من الجروب فورا
١- البنت لازم تكون لابسه بنطلون مش دريس والبنطلون ميكونش واسع اوي عشان في اختبار العرض العام لازم الدكتور يشوف مشيتك كويس عشان لو في دريس الدنيا مش هتكون واضحه ودي ملحوظه اتاخدت علي البنات الي لابسه دريس
٢- في كشف الجراحه والجلديه والعظام بيتم في اوضه واحده مقفوله كويس جدااا ومفيش حد موجود في محيط الكشف كله غير بنات وبتكوني فيه قالعه لبسك ما عدا البرا والاندر .
٣- باقي الكشوفات بتكوني لابسه كل هدومك
٤- الحسنااات والحبوب والوحمات الحروق و الخياطه بتتسجل ملاحظات انها تشوهات بالجسم
٥- مفيش كشف عذريه بنات
٦- كل الدكاتره بنات في كل الكشوفات الا الكشف العام بيكون فيه ولاد وبتكوني فيه لابسه هدومك الا الشوز والشراب
٧- مفيش بنت تيجي بلينسيس
٨- ويكون معاكي اصل البطاقه مش صورة
٩- بس البنت الي عندها Period مش هتحلل بول و هتضطر تيجي يوم تاني
تعليقات
إرسال تعليق