لو لسة مروحتش حديقة الاسرة يبقى فايتك كتير اوي
طبعا من اسمها واضح انها مناسبة للأسر، بس اللي كتير ميعرفهوش ان فيها انشطة كتير جدا ممتعة اوي لكل أفراد الاسرة "كبار / صغار"
الحديقة على مساحة ٧٥ فدان "مساحة كبيرة جدا" و فيها حديقة اشجار و نباتات نادرة، و حديقة حيوانات، بانوراما الاسلحة، العاب للكبار و الاطفال + النهر السحري و دا بقى لوحده قصة لازم تجربها
و كل الانشطة دي داخلة في تذكرة ابلكيشن وفرها - Waffarha فا اعمل حسابك انك هتقضي اليوم بالكامل هناك
خلينا نبدأ بالنهر السحري عشان دا مفاجأة جامدة جداً
كل اسرة بتركب مركبة و تبدأ رحلتك في نهر بيلف بيك الحديقة كلها، المتعة بقى في ان طول ما المركب دي ماشية في المياة و تطلع و تنزل و تلف حوالين نفسها .. بص تجربة رائعة بجد و مكنتش متخيل إن في حاجة بالجمال دا
بعد كدة بقى تطلع تكمل جولتك في حديقة الحيوانات "دي المفاجأة التانية" عندهم اسود و قفص فيه قرود و نسانيس و تماسيح و طاووس و عصافير و في كمان منطقة السفاري دي بقى فيها غزلان و جمال في منطقة مفتوحة
كمان التذكرة بتكون شاملة لعبة واحدة بتختارها من (سيارات متصادمة، النيشان، القطار) و تذكرة الاطفال بتختار فيها لعبة واحدة من (السيارات المتصادمة للاطفال، لعبة البطة، القطار، الحصان) يعني الكبير و الصغير كله هيلعب و ينبسط
من الحاجات المميزة اوي في حديقة الاسرة إن فيها " بانوراما الاسلحة" فيها طيارة حقيقية و دبابة جيش و اسلحة من أيام حرب اكتوبر
طبعا مسموح التصوير في كل الحديقة بما فيها بانوراما الاسلحة، دا غير إن المساحات الخضراء و حديقة الورد البلدي مكان تحفة في التصوير
المواعيد:
من ٩ الصبح ل ١٠ بالليل
تقدر تحجز التذكرة شاملة كل الانشطة دي ب ١١٩ جنيه من ابلكيشن وفرها - Waffarha من هنا
و على فكرة الاطفال أقل من ٤ سنوات بيدخلوا مجانا بدون تذكرة
العنوان:
طريق مصر السويس الصحراوي، مدخل الرحاب ٢
تعليقات
إرسال تعليق