حديقة الحرية واحده من اجمل حدائق القاهرة

 

- مبدئيا لازم نبقي عارفين سوق التابلت ما قبل السيرفس كان فين و ما بعد السيرفس بقي فين ..

ما قبل السيرفس سوق التابلت كان في تراجع .. الاندرويد شبه خرج من المعادلة خالص و اغلب الشركات مبقتش تقدم شئ يذكر في السوق ده ..

و مكنش فيه غير ال iPad اللي وقتها مكنتش تقدر تقول عليه باي شكل من الاشكال بديل للنوت بوك او اللابتوب او تعمل عليه شغل ..

لحد ما نزل السيرفس برو عشان يغير الدنيا خالص و يقدم فكرة جديدة للتابلت و يعرف التابلت بشكل حقيقي!

ببساطة التابلت قبل السيرفس كان موبايل بشاشة كبيرة و بعده بقي بديل اخف و اكثر حركية للنوت بوك!

- السيرفس برو و فكرته الجديدة انه جهاز ٢ في ١ .. تابلت وقت ما تحتاجه خفيف ظريف .. و مكينة شغل وقت ما تحتاجه بقلم و كيبورد و تراك باد بيتوصلوا بسهولة كبيرة و هما عبارة عن كوفر مش اكتر ..

الفكرة اللي ابل استنسختها كوبي بيست بعد كدا في ال iPad Pro .. ايباد بقلم و كوفر كيبرود!

- مع تطور الايباد و شعبيه و شهرة ابل في سوق المستخدمين العاديين الايباد بقي شئ رائج ..

لكن الايباد لسا لحد دلوقتي و مع نحته لمميزات السيرفس و مع تقديمه لمعالج جبار زي ال M1 اللي هو نفسه بيشغل اجهزة الماكبوك الاقوي ..

مازال بيقع في مساحة رمادية في النص في فكرة انه مش قادر يستبدل النوت بوك او اللابتوب .. و ده ببساطة بسبب السوفتوير ..

IOS vs Winodows!

مقارنة غير عادلة خالص ايباد مش قادر تدير من عليه الملفات ولا تحط فلاشة مثلا .. و علي الجانب الاخر ويندوز اللي بيتيح لك امكانيات متقدمة جدا و شغل متطور جدا ..

و ده اللي ادركته ابل .. فكانت الخطوة اللي بعد نحت شكل السيرفس هي تغير النظام .. ال IOS مش هينفع لازم حاجة اكثر تطورا! ..

فكان ال iPadOS اللي بدأ يتيح لك ادارة ملفات احسن .. تركيب ملحقات افضل .. برامج متقدمة اكتر

و مع ذلك فال iPadOS مازال مبيقربش لقوة ويندوز لما نتكلم عن المهام الثقيلة * اللي بجد * ..

ده بعيدا عن وجود منافذ اكتر في السيرفس هتخليك تشحن و تحط ملحقات اكتر .. مع وجود منفذ ذاكرة خارجية ..

مع وجود الستاند اللي بيخليه يثبت في اي مكان بتصميم لطيف ..

ده غير مع السيرفس اللي هيعلن عنه انهارده هنشوف امكانية تغير الذاكرة الداخلية! ..

هنشوف دعم لل Thunderbolt اللي هيخليك تركب حتي كارت شاشة خارجي!

كارت شاشة خارجي مع ويندوز = انا قادر تلعب فيفا و فورتنايت و غيره من الالعاب الثقيلة! ..

- سيرفس برو بيديك تابلت خفيف لطيف ... و بيديك مكينة شغل قادرة تستبدل اللاب بشكل حقيقي .. بيديك تنوعية اكبر في المحلقات و تنوعية اكتر في الاستخدام

بيديك امكانيات مالتي تاسكنج تتخطي اي تابلت موجود .. و مع النسخة الثامنة منه بيديك كمان وحش قادر تلعب عليه ..

* بالمناسبة هو حاليا اصلا من غير كارت شاشة يقدر يشغل العاب زي فورتنايت علي اعدادات قليلة * الحاجة اللي تابلت زي ال iPad Pro بمعالجه الخرافي اخره يفتح العاب موبايل ..

- سيرفس برو هو اعظم تابلت لو عايز مكينة انتاجية فيها حرية و متنوعة و قادرة تمشي في كذا سيناريو ...

لكن الايباد لازال متفوق للمستخدم العادي اللي عايز تابلت ترفيهي اكتر من انه مكينة شغل تابلت ترفيهي قادر يديك شوية انتاجية بس مش هيكون بديل النوتبوك ولا هيديك الحرية الكبيرة اللي هتلاقيها مع ماكبوك و ويندوز مثلا!

ببساطة هو ده سبب حبي للسيرفس برو و اللي باعتبره حتي الان هو الاعظم و اللي قدر يعيد تعريف و يثبت مفهوم جديد و مفهوم خلي اجهزة التابلت رجعت يبقي فيعا منافسة تاني بعد سنين من النوم ..

و النهارده ما هو الا تطور جديد بيتيح امكانيات اكبر لاعظم تابلت!