حديقة الحرية واحده من اجمل حدائق القاهرة

الفرى بدز برو الجديده من شركه هواوى وبعد ان قمنا بتجربتها لفترة اعتدنا لكم المقال التالى الذى يتناول ابرز المواصفات والمميزات والعيوب .

 التصميم :

هتحس فعلا انها غاليه ومصنوعه باتقان بس الكيس نفسها لما تفتح وتقفل تحس الجزء اللي فوق مش متين للدرجه المطلوبه ، تحسسه بيتلخل كده المهم ان مكان السماعه جوه الكيس والطريقه اللي بتركب فيها هي الاغبي علي الاطلاق بس التصميم مفيش عليه كلام انه ممتاز

الراحة :

بالنسبه ليا السماعه مريحه وثابته صراحه ، مش مزعجه للاستخدام الطويل حتي لو دايركت ٥ ساعات وفيما فوق بطاريتها قويه تشغلها اكتر من العدد ده بدون عزل لو بتسال يعني

الصوت :

السماعه صوتها ممتاز ، هي افضل ككواليتي من البدز بلس بس عندي تعليق علي مستوي الصوت .. السماعه مش عاليه للدرجه يعني هتحتاج تبقي دايما ٧٥٪ فيما فوق علي الاقل بالنسبه ليا

العزل :

ممتازه باختصار .. جربتها وانا مسافر وجربتها في مواصلات والظروف اللي انت محتاج فيها عزل وكانت قويه فعلا .. اقوي بكتير من فري بدز ٣ .. اختار بس المقاس المناسب ليك .. لو فيه تعليق هنا فهو ان العزل تحسه بيعمل ضغط عليك بتحس ان فيه حاجه غلط لكن مش مشكه صراحه

الامبينت :

وده ببساطه بيعمل عكس العزل وهو انه بيستخدم المايكات عشان يدخل ليك الصوت اللي جاي من بره ، شغال كويس بس مقدرش اديه اكتر من كويس عشان الصوت اللي هتسمعه برضه تميز انه فيك ومش حقيقي مش بكواليتي المارك ٣ من سوني مثلا اقل بفرق واضح

البطاريه :

ممتازه برضه باختصار ، ممكن تكسر ال ٦ ساعات دايركت بدون عزل وبدون ما ترجعها للكيس عشان تشحن ، بطاريه الكيس ممتازه برضه ممكن تشحنها من مرتين ل ٣

المايك :

تجربه الماركات عاديه ودي حاجه كويسه مش وحشه يعني باختصار كده لو انت في البيت الطرف التاني هيسمعك كويس ، لو بره في الشارع في ظروف طبيعيه هتتسمع كويس برضه ، لو فيه صوت هوا جنبك برضه هيكون صوتك عادي ومسموع ، لو لابس كمامه هيبقي الصوت برضه مسموع ، لكن لو انت في مواصلات وفيه دوشه جنبك وقريبه ولابس كمامه هتحتاج تعلي صوتك شويه عشان وقتها هيبقي صعب ، الماركات كويسه عموما مش هيبقي فيها مشاكل متقلقش

… دي الاجزاء اللي مفيهاش كلام كتير عشان لحد هنا مفيش مشاكل

الاتصال والثبات :

عايزك بس تفصل ما بين مدي الاتصال وبين ثباته تمام ؟ تمام ان شاء الله … مدي الاتصال ممتاز اكبر بفرق كبير عن البدز بلس وفي اي مكان بسيب الموبايل السماعه مش بتفصل طول ما انا في البيت .. لكن ثبات الاتصال بالموبايل مثلا مش كويس .. السماعه بتحصل فيها أشياء كتير مش لطيفه ، ممكن صوت ناحيه يسبق ناحيه وتحسه بيتردد كده لكام ثانيه وبعدين يثبت .. احيانا يقطع علطول وتضطر تفصل الكونكشن وتربطه تاني .. الموضوع محصلش مره ولا اتنين حصل بشكل متكرر بدرجه يخليني اكتب عنه

الاتصال باكتر من جهاز :

الميزه دي عظيمه للي جربها في ايكو سيستم ابل وعارف قد ايه هي ممتازه وحقيقي ابل بتعملها كويس جدا لكن بين اجهزتها انما هنا المفروض انت امورك تمام مع اي جهاز ، بص بين ايباد والموبايل الموضوع مكنش وحش يعني ممكن ياخد وقت عشان ينقل من جهاز للتاني مش بسلاسه ، احيانا مش بيفهم ومش بيشتغل علي الجهاز التاني اصلا واحيانا يشتغل علي الجهاز التاني ويسيب الاول شغال من سماعات الجهاز .. معندوش كنترول علي الجهاز ومش بيعمل ايقاف تلقائي لما يحول للجهاز التاني وممكن ميرجعش ولازم ترجعه تلقائي .. المشكله مع اللابتوب هو بيتصل مره ويحول ليك مره واحدي بالكتير وفي الاخر مع نفسك لازم تختار واحد بس فيهم والتاني هيبقي ولا في دماغه خالص

“المضحك وانا بكتب الجزء ده الموبايل بتاعي رن وحصلت مشكله تاني كنت ناسيها وهي انك هتسمع صوت الموبايل بيرن لكن مفيش حاجه علي الشاشه ، الصوت بيبقي سابق الصوره علي الموبايل ومش فاهم ليه .. المهم انه حول علي المكالمه تمام وخلصتها بعد ما قفلت جيت ارجع تاني للي كنت بعمله اشتغلت سماعات اللاب وفقد الكونكشن للاسف”