الاسكندرية بلد السحر والجمال والتمشايه في بحري والكورنيش وقعدة القلعه وايس كريم عزه وكوبرى ستانلى
شوية حاجات كده لو ناوي تروح اسكندريه وتستمتع
1 - لو رايح تدور علي مكان تتاجره الكام يوم انزل ميامي العصافره الشقق هناك رخيصه والسماسره كتير وبيجرو عليك امشي مع اي حد هناك واتفرج وفاصل علي قد ماتقدر علي قد جمال الشقه وامكانيتها اقبل بالسعر اللي يناسبك انت وهتلاقي في الرينج اللي انت عامله شقه تناسبك لو كنتم شله في حدود اربعه مثلا .. تاني برضو فاصل علي قد ماتقدر .
2 - متركبش تاكسي ولا حتي اوبر المواصلات الداخليه متاحه لاي مكان وسهله ورخيصه والطريق هناك مفيهوش عطل وانت هتحب المشي اكتر من انك تركب ^ تاني اتاكد ان المواصله هتوصلك المكان وحاول تتعلم اشارة المكان اللي رايحه واسال هناك الناس هناك مستحيل تفتي
3 - مكتبة اسكندريه مكان جامد جدا تصوير واستمتاع بجمال الهدوء والمكان بيحترمك وبيخليك تحترم هدوءو وتزكرته رخيصه وهتلاقي جوا اي كتاب بتدور عليه وهناك حفلات اسال عليها ولو مهتروحش اول يوم ادخل علي بيدج المكتبه واعرف مواعيد الحفلات امتي .
4 - مينفعش تكون في اسكندريه ومتأكلش من ( البغل ملك الفلافل ) ( الفلاح بتاع الكبده الاسكندراني ) ( شعبان بتاع السمك اللي بيقوله عليه ) واماكنهم مشهوره وسهل الوصول وفي حدود اقتصادكك واكلهم ممتع وهتستمتع وحاول تقضي الايام اللي هتقعدها هناك ع ال 3 اماكن دول واسال برضو علي السعر
5 - البحر بقي اسكندريه اكل وفسحه وتمشايه بس
بس لو حابب تنزل مايه عندك المنتزه جميل جدا كحديقه مكان للتصوير وكبحر هناك الشاطئ نضيف نوعا وجوا واماكن كتير تتصور وخلاصة جمال اسكندريه بصراحه من الفنار لشكل الغروب للمشي لمنظر الصيادين .
6 -القلعه وجمال ام القلعه في الغروب وايس كريم عزه اللي في الاول وانت داخل دوق فيه ايس كريم كونو مشكل تحفه .
هناك الصخور اللي في المايه والروقان في القعده والموج بيخبط فيها وفي مراكب ممكن تتأجر مركب انت وصحابك وتستمتعو شويا في البحر وقت الغروب .
7 - في اتوبيس بدورين جميل جدا وهتسمتع بانك مثلا في مكان تاني بره مصر وفي ( الترام ) في محطة الرمل اركبو شويا استمتع واتجنن كل الناس مش مركزه اصلا
8 - المنشيه بعد ماتضرب اكلة سمك من شعبان هتلاقي جنبها قهوة البورصه اضرب احلي كوباية شاي واستمتع باجواء القهوه البلدي وسعرها عادي 
9 - متقعدش في اي قهوه علي البحر القهاوي جوا رخيصه ومتاكلش من محل متنوع ( بيعمل كل حاجه وخلاص )
10 - ملحوظات عامه .
- جيلاتي الشيخ وفيق في ابو قير خيال ^^
- شارع خالد ابن الوليد عامل زي العتبه وشارع عبدالعزيز كده •
- والتمشايه في المنشيه جميله جداً .
- مول سان ستيفانو عادي جدا الجميل فيه السينما بس .
- لو حابب تنزل البحر في الشروق تحفه غير كده اعمل حسابك في كريم للتسلخات وللشمس
- اختار الوقت اللي تسافر فيه ابعد عن يوم الجمعه وحاول تنام كويس جدا قبل ماتسافر علشان تستمتع من اول دقيقه تنزل فيها البلد .
- الاسكندرانيه شعب جميل جدا وبلد جميل جدا .
تعليقات
إرسال تعليق