للعديد من السياح وفيها انواع كتيرة من النباتات والحيوانات والطيور.
لو جيت دهب أو شرم الشيخ يبقى لازم تطلع رحله لمحمية رأس محمد والأسباب كالاتي
1- محميه راس محمد فيها حفريات عمرها 20 مليون سنه وفيها حيوانات نادره
2- من افضل الاماكن للغطس والسنوركلينج ممكن تعوم مع السمك والسلاحف واتفرج علي احلى شعب مرجانيه 
3- فيها صخرة الاسد اللي بعض الدراسات بتقول أنها الصخرة اللي التقى عندها سيدنا موسى والخضر عند الصخرة ملتقى خليج العقبه والسويس واللي نسي عندها الحوت
4- لازم تشوف الشق اللي عمله الزلزال في الأرض في الستينات ومياه البحر واصله له واللي اقصى عمق له 14م وألمايه فيه شفافه جدا
5- اوعى تنسى تزور البحيرة المسحورة واللي فيها معادن بتساهم في شفاء أمراض كتير زي الروماتيزم
6- اوعى تنسى البحيرة المالحة تتصور عندها
7- ممكن تطلع أعلى صخرة رأس محمد واتفرج علي اجمل اشكال للصخور والكهوف الطبيعيه وأتصور صور كتير كتير
8- اجمل حاجه بقى ممكن تشوفها هناك قناة المنجروف اللي بينموا شجر المنجروف فيها وألوان المايه اللي تجنن
9 - ممكن تعمل رحله بحريه من شرم لرأس محمد وتتفرج علي رأس محمد من البحر وتشوف الصخور والشعاب المرجانيه
10- اوعى الجمال اللي هتشوفه ينسيك تعمل سنوركلينج وتتفرج علي الكهوف الطبيعيه اللي تحت المايه
رأس محمد بتبعد عن مطار شرم 12ك أقل من نص ساعه بالعربيه وبعيده عن دهب بحوالي 120ك تقريبا ساعه ونص بالعربيه ، في كامبات هناك وفيها اكتر من شاطيء وكل شاطيء مختلف عن التاني
الجزيره المسحوره او الMagic island
ازاي انت كمواطن مصري تروح الجزيره دي ؟؟
عادي اصلا دي موجوده في مصر
بالتحديد في محميه رأس محمد شرم الشيخ جنوب سيناء
يعني اللي رايح شرم الشيخ قريب مينساش يشوف الروعه دي و يحطها في خطته
الجزيره دي بتروحها عن طريق رحله بحريه من اي مكتب رحلات في شرم الشيخ بتبقي لمحميه رأس محمد و زياره الMagic island
الرحله بتبدأ من الساعه 10 الصبح لحد 5 المغرب بتعمل سنوركلينج و دايڤنج لو حابب و بيبقي معاك guide في الميه عشان يفرجك علي الcoral reefs
المراكب بترسي جنب الجزيره و بتعوم حته بسيطه لحد ماتوصلها و الصراحه بتبقي قمه البهدله
بس كله يهون عشان نوصل
بجد من اجمل و انقي المياه اللي ممكن تشوفها في مصر
متنسوش تروحوا الجزيره المسحوره لما تكونو في شرم الشيخ
تعليقات
إرسال تعليق