الكتير من الناس يفكر فى الاقامه فى دول من الدول الاوروبيه ولعل ابرز هذه الدول هى فرنسا بما تمتلكه من مميزات للمقيمين فيها وتمتاز بجمال تصميمها والاماكن السياحيه والشواطئ الخلابه ونستعرض لكم طريق الحصول على الاقامه فى فرنسا.
ازاي تقدر تحصل ع الاقامة الفرنسية ..!!
فرنسا دولة من الدول المؤسسة للاتحاد الاوروبي او ما يسمي ( بالشينجن)..، والاقامة الفرنسية تمكنك من دخول حوالي 27 دولة اوربية الواقعين في نطاق مجموعة الشينغن ، وكذلك بعض الدول الاوروبية الاخري ، بدون تاشيرة مسبقة ..
ندخل في موضوع الاقامة ، وكيفية الحصول عليها ، واهم الطرق لذلك ...!!
يوجد عدة طرق للحصول عليها .. نذكر اهمهم ..
1_الزواج
2_طلب اللجوء
3_ الدراسة والبحث العلمي .
4_ إقامة العمل
5_ إقامة ( أقدمية الوجود ع التراب الفرنسي )..
6_ الاقامة بسبب الابن المولود من أب او أم فرنسية .
7_إقامة الاستثمار .
وهانشرح لحضراتكم اهمهم ؛
1_ الزواج من شخص فرنسي ، ( او أوروبي مقيم في فرنسا وله عمل ثابت فيها ) .. او اي شخص مقيم بشكل رسمي ويعمل بشكل نظامي ، داخل فرنسا .
وده اول طريق للحصول ع الاقامة الفرنسية ، ويعتبر اسهلها اذا ما توافرت شروطه ، واهمها ان الشخص الراغب في الاقامة يكون دخل الي اوروبا بشكل رسمي ، وان كان داخل بشكل غير شرعي سيتوجب عليه النزول الي بلاده والتقديم علي تاشيرة ضم عائلي يساعده فيها الزوج /ة الفرنسي/ة ، او لكي يتلاشي النزول ان يكون له مولود من شخص يحمل الجنسية الفرنسية ..،
ولتسهيل اجراءات هذا النوع من الاقامة ان يكون الطرف الفرنسي يعمل بشكل منتظم وله دخل ثابت ، وله محل اقامة او سكن _متوافر فيه شروطه_ ..
2_إقامة اللجوء .
والنوع ده مش بشجع حد عليه ، وهو نوعين ، اللجوء الديني او العقائدي ، واللجوء السياسي .. ولا أحبذهم لأحد .
3_ اقامة الدراسة والبحث العلمي ؛
والنوع ده من الاقامة ممكن يكون في هيئة منحة دراسية او انك تقدم دراسة في احدي الجامعات الفرنسية علي حسابك الخاص، وهنا يستلزم الالمام باللغة الفرنسية لمستوي ع الاقل B1 من بلدك ، وطبعا بيستلزم الحصول علي موافقة من احدي الجامعات الفرنسية بعد مراسلتها والحصول علي خطاب الترشيح والموافقة ، وبعدها بيتم التقديم للحصول علي تاشيرة دراسة من القنصلية الفرنسية ، بعد توافر الشروط اللازمة الخاصة بطلب التاشيرة . بعد الحصول علي التاشيرة بتسافر وتقدر تحول التاشيرة الي اقامة دراسة مؤقتة بعد ضمان جامعتك ....
4_ إقامة العمل ..
والنوع ده من الاقامة يعتبر جديد مقارنة بالقوانين الخاصة بالاقامة ،
واهم حاجة فيه انك تحتفظ بكل ورقة او مستند عملت بيه اي معاملات داخل البلد "اثباتات وجود" ،
وطبعا اهم المستندات دي انك تكون سجلت في هيئة الضرائب من اول سنة دخلت فيها البلد ، وكذلك عندك كارت التامين الصحي ، ويكون فاتح حساب بنكي في اي بنك ،، كل ده بتقدر تعمله وانت بدون اقامة عادي جدا ، وكل دي بتعتبر اثباتات وجود ليك داخل الاقليم الفرنسي ، وبتساعدك عند التقديم علي هذا النوع من الاقامة ...
وبينقسم هذا النوع الي اكتر من فئة ، وكل فئة لها شروط معينة واجب توافرها
_أولهم ؛ وهو اقلهم مدة ، وجودك داخل فرنسا لمدة 3 سنوات وبشرط ان تكون سددت ضرائب وتأمينات عن 24 شهر ضمن ال3 سنوات .. يعني بالبلدي تكون شغال سنتين من ال ٣ سنوات دول ، وصاحب العمل سدد عنك للدولة تأميناتك وضرايبك في ورقة رسمية قانونية تعرف ب " Fiche de paie" او قسيمة الدفع او ايصال الدفع ، تحتفظ ب ٢٤ ايصال منهم ، ووقت التقديم بيضمنك صاحب العمل ، وبتاخد منه اوراق الشركة اللي شغال فيها ، وبتقدم علي الاقامة .. ودي اسرع او اقل مدة للتقديم علي اقامة عمل ..
_ثانيهم ، وهو انك تكون موجود داخل فرنسا لمدة 5 سنوات ، ومعاك ما يثبت هذا الوجود وعدم الخروج منها طيلة ال 5 سنوات ... وفي الحالة دي مطلوب منك فقط 8 شهور عمل ضمنت اخر سنتين من ال 5 سنوات ، يعني تقدم 8 ايصالات دفع او قسائم دفع عن التامينات والضرائب ، وتكمل اوراق من صاحب العمل بنفس الطريقة السابقة ... عقد عمل واوراق الشركة ...و.....الخ ..
_ ثالثهم ؛ انك تكون موجود داخل فرنسا لمدة 7 سنوات ، ومعاك ما يثبت ذلك ، وفي الحالة دي مطلوب منك انك تكون شغال 12 شهر في اخر سنتين من ال ٧ سنوات يعني معاك 12 إيصال دفع .. بس هنا مش محتاج عقد عمل يكفي مجرد وعد بالعمل من صاحب الشغل ، واجراءاتها اسهل ، لكن انت ونصيبك برضو 
، وتكمل نفس الاجراءات السابقة ....
، وتكمل نفس الاجراءات السابقة ....5 _ الاقامة بأثبات أقدمية الوجود علي التراب الفرنسي لمدة 10 سنوات متتالية ، وعدم الخروج من فرنسا خلال تلك المدة ،
والنوع ده من الاقامة بيتطلب منك شرطين
اولهم ؛ انك ماتكونش غادرت فرنسا خالص خلال مدة ال 10 سنوات ،
وثانيهم ؛ انك تكون معاك ما يثبت ذلك طيلة المدة المذكورة من اوراق ومستندات ،
يعني تحتفظ بكل ورقة او مستند بتعمل بيه اي تعاملات لمدة ال ١٠ سنوات ، وبرضو تكون عامل السجل الضريبي بتاعك ، ومشترك في التامين الصحي ، وفاتح حساب بنكي ،
ويفضل في النوع ده انك تكون اتقنت اللغة الفرنسية وكمان مساهمتك في اي نشاط تطوعي خدمي او عمل خيري يساعد غيرك بدون اجر ، زي جمعيات رعاية المهاجرين مثلا ، او غيرها ...الخ
في النوع ده بتجمع كل مستنداتك واوراقك اللي بتثبت وجودك في البلد وتروح تقدم علي الاقامة ، وبتمشي في الاجراءات الخاصة بدائرة الهجرة السابق ذكرها في كل الحالات السابقة ،،
والنوع ده بيكون سهل شوية في الحصول ع الاقامة ، لانك بيكون توافر فيك شرط الاندماج داخل المجتمع الفرنسي ..
6 _ الاقامة بسبب الابن المولود لاب فرنسي او ام فرنسية ،
الحالة دي تشبه اجراءات اقامة الزواج ، ولكن هنا انت بتاخد حق الاقامة بناء علي ابنك او بنتك اللي اتولدوا من اب او ام تحمل الجنسبة الفرنسية ..
7_ إقامة الاستثمار
والنوع ده ليس شائع في فرنسا ، واصبح صعب عن زمان ، لانه كان زمان محدد بمبلغ معين وكانت اجراءاته سريعة مجرد انك تشتري منزل مثلا او تستثمر المبلغ المحدد ده في اي بيزنيس ، كانت الاقامة سهلة الاستخراج ، لكن الان اصبح معقدا
وفي النوع ده بتقدم علي فيزا استثمار وبعد ما تسافر بيتحول لك المبلغ من بلدك علي اسمك هناك او حسابك البنكي الفرنسي عشان تستلمه بشكل رسمي ، وبعدها اما تشتري عقار باسمك او تستثمر في مشروع معين ، وتشوف محامي يسعي في اجراءات تحويل الفيزا الي اقامة مؤقتة ، لكن مؤخرا النوع ده بقي صعب واجراءاته بقت صعبة ومبقتش تتعمل للاسف ، اجراءات طويلة ومتعبة جدا ..
8 _ الاقامة بوجود ابناءك في التعليم لمدة معينة ..
النوع ده بيتطلب وجود الاسرة في فرنسا لمدة 5 سنوات ويكون احد اطفالك ع الاقل متسجل في التعليم لمدة 3 سنوات ع الاقل من ضمن ال 5 سنوات ، وبعد انتهاء مدة ال 5 سنوات بتاخد ما يثبت ذلك ، وتاخد ما يثبت وجود طفل ليك ع الاقل في احدي مراحل التعليم لمدة 3 سنوات ع الاقل .. وبتقدم علي الاقامة بنفس الاجراءات اللي فاتت وبتستلم انت والاولاد بعدك ، ويفضل هنا طبعا انك تكون عندك سكن باسمك ومسجل في الضرايب ، ونفس الكلام اللي ذكرناه سابقا ،
تقدر تقدم للاطفال في التعليم عادي جدا بدون وجود اقامة شرعية ، ده حقهم عادي جدا .
وليهم حق في التامين الصحي برضو ، بدون اقامة شرعية ايضا ،..
تعليقات
إرسال تعليق