تقع مدينة شرم الشيخ عند خليجى السويس والعقبه وهى مدينة مصريه ساحليه توجد فى جنوب سينا يأتى اليها العديد من السياح من مختلف الدول لقضاء الاجازات والتمتع بجمال طبيعتها ونستعرض لكم اليوم افضل الاماكن والانشطه التى يمكن القيام بها فى شرم الشيخ.
شرم من اجمل المدن الساحليه في مصر وهي ميكس جميل بين الطبيعه جبال، بحر و الحياة الحديثه مولات ومطاعم
شرم بتتميز بالاشطه النهاريه والحياة المسائية.
-مبدأيا كده أهم حاجة التخطيط يعنيي تبقى عارف كويس انت رايح فين تعمل ايه متبقوش عاملين زي حالاتي كده اروح اي حتة في أي وقت بدون سبب
- لما تنزل شرم اكيد اكيد مش هتروح كل حته فيها طبعا، هتروح مكان هيعجبك مش هيعجبك غيرك والعكس، البوست ده هنلم فيه معظم الأماكن اللي ممكن تروحوها لو جيتو شرم خاصة لو أسرة
- عايز تخرج بالنهار!!
معظم الخروجات هتبقى مرتبطة بالبحر سواء شواطئ عامة أو خاصة أو day use في أي فندق أو قرية، وفي كمان رحلات بحرية، غواصة، أكوا بارك، العاب مائية، دايفنح سنوركلينجو.
- لو رحت محمية رأس محمد أو محمية نبق مستحيل تندم، حاجة كده فوق الخيال وطبعا أماكن تصوير منتهى الجمال والجو هناك روعة ومنطر والبحر يجنن
-حابب تخرج مع أسرتك بالليل بقى!
لو معاك أسرتك وأطفال وكده وحابب حاجة لذيذة تتمتع بيها انت وهم ممكن تروح جنينة سيتي فيها ركن خاص للأطفال و وعروض مسرحية ومطاعم وشوبينج ودهب وياقوت ومرجان ،الدخول مجانا
نفس الوضع كده موجود ويمكن أفضل كمان في مكان تانيي اسمه هوليوود من حيث الألعاب وأماكن التصوير وفي نافورة راقصة كبيرة جدا وشكلها تحفة وفي مجسمات رهيبة روعة لو حد بيحب التصوير، الدخول بتيكت غالبا السعر ١٠٠ جنيه، والأطفال مجانا
وفي ألف ليلة وليلة نفس الوضع مش هنختلف كتير عن هوليود و وجنينة سيتي
في كمان المشاية ( مارينا - سوهو سكوير-الميركاتو--السوق القديم ) خروجة شبابية عائلية فردية شغالة وفي كافيهات كتير هنااك ومناظر روعة للي يحب التصوير،. طبعا دخول الأماكن دي كلها مجانا، وممكن تقضي فيها وقت حلو سواء في العروض أو ألعاب الأطفال أو حتى التصوير
-في كمان عرض الدولفين ممتاز للأطفال والكبار عامة بيبقى يوميا الساعة ٤ العصر تقريبا وسعره مش غالي تحديدا مش عارف كام بس مش غالي.
افضل الاماكن والأنشطة اللي ممكن تعملها في شرم الشيخ
- رحلة اليخت لجزيرة تيران
- رحلة اليخت لرأس محمد
- Diving
- Safari
- التخييم في رأس محمد وزيارة اهم المعالم فيها زي البحيره المسحورة والبحيرة المالحة، صخرة الخضر، شق الزلزال وقناة المانجروف
- تقضيه يوم بمحمية نبق، قناة المانجروف، الغرقانة، المنقطعه، راس الطنطور، بيت المحمية
- التمشيه في سوهو سكوير بالليل
- التمشيه في خليج نعمه بالليل والتسوق والسهر
- زيارة خليج نبق
- زيارة مسجد الصحابه من اشهر معالم شرم الشيخ
- كاتدرائية السمائين
- الف ليله سهره مسائة وحفلات وفنون شعبيه
- هوليوود للالعاب والاكوابارك ( اسال الاول عن الايام المفتوحه فيها)
- اكوا بلو ووتر بارك
- سي كلوب اكوابارك
- كافيه فرشه مكان مميز في هضبة ام السيد
- كافيه سانتوريني من افضل الاماكن للتصوير
- اهم المولات جنينة سيتي، مركاتو مول
- السوق القديم
- عرض الدولفين والتماسيح
- شاطيء الفنار، خليج نعمة، تراسينا
- منطقة خليج القرش
- متحف شرم الشيخ الجديد
- من اقرب الاماكن لشرم الشيخ ممكن تقضيه يوم او اكتر
دهب، سانت كاترين
المواصلات لشرم الشيخ:
طيران، جو بلو، ويي باص
المواصلات داخل شرم الشيخ
التاكسي والميكروباص
تعليقات
إرسال تعليق