واحه سيوه هى مدينة وواحه مصريه وأحد منخفضات الصحراء الغربيه و هى تابعه لمحافظه مطروح يوجد بها العديد من المعالم السياحيه والاثاريه التى تنتمى الى العصر الفرعونى والرومانى .
ونستعرض لكم كيفيه السفر وقضاء وقت ممتع فى واحه سيوه بدون شركات سياحه او منظمين .
نبدأ بوسايل النقل :
مبدأيا كده سيوه من اصعب الاماكن اللي متوفرلها وسايل نقل مباشره مش زي دهب مثلا مفيش جو باص ولا غيره دايركت لسيوه
و ده لان طريقها بعيد و سياحيا لسه متعرفتش زي باقي المدن
بس مبدأيا كده موجود شرق الدلتا من القاهره و من اسكندريه
و ممكن تروح مرسي مطروح و منها لسيوه في اوتوبيسات كبيره او هاي اس عاديه علي حسب اللي هتلاقيه في الموقف
الاقامه :
الفنادق مش خمس نجوم بس نضيفه و امان و علي حسب م هتختار الفندق بتاعك و سعره
في فنادق بحمام سباحه و فنادق عاديه خالص علي قد الاقامه و معروفين هناك
اشهرهم
واحه سيوه
دريم لودج
سيوه براديس
سيوه شالي
و ممكن تأجر شقه مع صحابك و هيبقي اوفر كتير. من الاوتيل
الاحسن طبعا يكون معاك جايد من اهل البلد عشان يشرحبه معالمها و تاريخها
البرنامج
اقل حاجه لسيوه هي 3 ليالي عشان تتحرك براحتك في البلد و تشوف معالمها صح
اليوم الاول
روح علي البيت السيوي
اتعرف اكتر علي سيوه و هو عباره عن نموذج اولي لسيوه و طريقه لبسهم و عاداتهم و شكل الييوت هيفيدك كتير في الاول
بعدها اطلع علي قلعه شالي لانها قريبه من البيت السيوي
اتصور و عيش حياتك لانها تستاهل تشوفها
بعد كده اطلع علي قاعه تتويج الاسكندر و معبد امون
و طبعا لازم تختم اليوم و تشوف الغروب من جزيره فطناس
اليوم التاني
ابدأ اليوم بجبل الدكرور هتعمل هايكينج بسيط و تتصور فوق الجبل
بعدها خد المايوه و اطلع علي بحيرات الملح
و استمتع بوقت شفاىي للامراض الجلديه و لو مبتعرفش تعوم متقلقش الميه هترفعك فعلا و ده لان نسبه الملوحه عاليه جدا فيها و بالتالي مفيش حاجه اسمها غرق هناك
و طبعا بعدها عين كليوباترا
المياه الكبريتيه
في سوق و بازارات جنب العين الكبريتيه ممكن تشتري منه هدايا و اباجورات ملح
اليوم التالت
جبل الموتي
مصنع السجاد
بعدها لازم تعمل السفاري في بحر الرمال الاعظم
السفاري في سيوه اجمل سفاري ممكن تعملها في حياتك
بتوصل للينبوع السخن
عين في الارض بتطلع ميه سخنه في وسط الصحرا
بعدها البحيره البارده في الصحرا و سبحان الله ميه بارده جدا في وسط الصحرا
و بعدها العربيه هتوقفك في مكان تعمل فيه sand boarding
المطاعم :
الاكل في سيوه جميل جدا و خصوصا الماندي اللي بيتعمل تحت الارض
و اشهر المطاعم هناك
علي عليوه
عبده
الصور لبعض الاماكن في سيوه
تعليقات
إرسال تعليق