الكثير من الناس يحب السفر لاماكن وبلدان مختلفه للتعرف على الثقافات والعادات والتقاليد المتنوعه ومشاهده المناظر الطبيعه الى تتميز بها كل دوله والاماكن الاثريه وكل منا يتعرض لمواقف اثناء السفر يكتسب منها خبره جديده ونتكلم اليوم عن اهم الخبرات المكتسبه من السفر.
السفر علمني :
- اجرب كل حاجه جديده ماجربتهاش قبل كده
- اتعرف على ناس جديده
- اختلط بأهل البلد الأصليين ، اجرب اكلهم الشعبي واسمع حكاويهم
- الف في البلد واسبب نفسي أتوه في شوارعها بعرف حاجات اكتر
- مش دايما بتكون الخطط افضل حاجة ساعات عدم التخطيط للرحله أو جزء منها بيكون احلى
- اسطح العلاقات على قد ما اقدر عشان ما ارتبطش بالمكان ويصعب علي اسيبه ولا قلبي يوجعني تاني عند الفراق لاي سبب
- اسيب روحي تتنفس بحريه
- اواجه خوفي واهزمه
- المغامره بتحيي الروح والجسد والقلب
- ما انتقدش اي شخص لاختلافه معايا في الرأي، الطبيعه، الثقافه .....
- احب الحياة واعشق روحي واقبل نفسي بكل ما فيها
- اتأقالم مع أي ظروف واكون مرنه في حياتي
- السفر اختبار حقيقي للمبادئ الثابته
- بعرف شخصيه البني ادم الحقيقية في السفر حتى لو كنت معاشره سنين قبل كده في السفر بيكون حد تاني خالص
- افكر بسرعه وحكمه للخروج من موقف صعب
- الاقي حلول بديله لكل حاجه
- اسمع السكوت واستمتع بالدوشه وادوب في الطرقات
- اتعلمت أساليب جديده ومختلفه اعيش بيها الحياة
- اتعلمت ادور على الحاجه المختلفه والغربيه في المكان
- اشوف ما وراء الاشياء
- اصور التفاصيل
- اتعلمت ابحث وأقرا اكتر عن الأماكن وتفاصيلها وجغرافيتها وجيولوجيا المكان والتاريخ والأساطير
- اتعلمت اروح الاسواق الشعبيه لاي بلد واختلط باهلها
- اتعلمت اسافر لوحدي واسافر مع ناس
- العلاقات الإنسانية سهله وفي نفس الوقت معقده
- سهل تكون علاقات جديده
- العشره مش بالسنين ممكن يوم واحد بس تعرف فيه ناس جديده تحس فيه أنك تعرفهم من زمن وتبقوا اصدقاء من بعد الرحله
- اتعلمت اشوف الحلو في كل حاجه
- اتعلمت اسافر جوه بلدي واكتشف جمالها قبل ما اسافر بره
- السفر علمني اشوف جمال بلدي اللي حقيقي فيها حاجات كتير حلوة بس احنا اللي مش حاسين بجمالها وبننبهر باي حاجه بلاستيك بره
- اتعلمت اتأمل جمال الطبيعه وانبهر بالتقدم والحداثه والأفكار الجديده
- اتعلمت اجرب ودي اهم حاجه لاني كنت شخص بيرفض التغيير
- السفر علمني اكتشف نفسي وافهمها واتعرف عليها من جديد
اتعلمت حاجات كتير اوي غيرت في وفي شخصيتي وفي بعض قناعاتي، السفر حياة وروح بتتجدد وافكار بتتشكل وتجربه السفر كفيله انها تغير حاجات كتير فى حياه اى حد وبتكون تجربه كلها فوائد.
تعليقات
إرسال تعليق