السفر هو حلم العديد من البنات والفتيات لاكتشاف بلدان جديده والتعرف على الثقافات الحضارات الاخرى ولكن البعض يخشى من خوض هذه التجربه ولذلك نستعرض لكم فى هذا الموضوع اهم نصائح السفر للبنات.
فى البدايه احب أقول للبنات نصيحه بخصوص السفر بشكل عام لو ده هدف من الاهداف فى حياتك لازم تخليكى بجد وراه مهما خد من عدد أيام او سنين بالعكس وقت ما توصليله هاتحسى قد اييه انك بجد عملتى حاجه لنفسك .. ما فيش حاجه بتيجي بين يوم وليله ، الفلوس مش عاءق ، انصحك انك تحولى تشتغل وتبقى احسن وتحسنى من نفسك ومن دخلك عشان تقدرى تعملى ده وتطلعى من حياتك الحاجات اللى ملهاش لازمه واللى بتصرفى فيها على الفاضى وتشوفى تقدرى تحوشى ايه فى مده زمنيه عامله ازاى.. صدقينى مش مستحيل خالص واى طريق بيبدأ دايما بخطوه! فى يوم من الأيام ها تقدرى تحققى الهدف ده
فيما يتعلق بفكره الخوف من السفر، اكييد كل تجربه جديده علينا فى الحياه بتمر بمرحله من الخوف، خوف من اقتحام التجربة، خوف من المجهول، خوف من عدم نجاحها .. إلخ
فى كل الأحوال هاتتعلمى حاجات جديده تفرق معاكى فى شخصيتك ومستقبلك .. هاتشوفى وتتعلمى حاجات فى عالم جديد وتقدرى تعتمدى على نفسك اكتر وعشان كده لازم تكسرى حاجز الخوف
مهم جدا انك تبقى عارفه عايزه تعملى ايه وتروحى فين عشان كده لازم تقومى بتجميع المعلومات الخاصه بالدولة اللى تحبى تسفريلها ، عن طبيعتها، ثقافتها، عادتها، السياحه والمدن الرئيسيه فيها، اللغه الخاصه باهلها، القوانين، ومستوى الأمان فيها والإمكانيات المادية المناسبة اثناء زيارتها، الأماكن الترفيهيه و أماكن التسوق. مع الاخذ فى الاعتبار على جمع المعلومات والاراء الخاصه بتجارب الآخرين من خلال زيارتها والتوصيات الخاصه بهم.
بمعنى انك محتاج تذاكرى كل حاجه عن الرحله عشان تقدر ترتبى لخطتك ...
كل حاجه جمعتيها من معلومات لازم تترجميها الى فلوس .. يعنى تكلفه الفيزا كام، والاقامه، والطيران، والانتقالات ، والاكل ، والاماكن السياحيه اللى عايزه تزوريها ، ولو عايزه تعملى شوبنج ... الخ
ومن هنا هاتقدرى تعرف انتى محتاجه تعملى اييه؟ وتقدرى تحطى الكلام ده فى اطار زمنى وبعد كده فى حيز التنفيذ
وممكن تجمعى عن اكتر من مكان وتقررى فى الاخر انهى رحله عايزه تبداى بيها ومناسبه اكتر فى حدود ميزانيتك.
ده كده نظره عامه على الفكره ... طبعا اكييد فى تفاصيل كتيره فى النص .. بس هانعملها فى بوستات تانيه
السفر بجد يستاهل وتجربه هتغير كتير فى شخصيه اى حد
تعليقات
إرسال تعليق