حديقة الحرية واحده من اجمل حدائق القاهرة

 من ساعت التسريب بتاع الفيسبوك دا وبيانات الناس اللي اتسربت والدنيا قامت مقعدتش هنا يجي السؤال هل التسريب دا خطير اوي للدرجادي

من وجهة نظري الشخصيه لا مقارنة بالتسريبات اللي حصلت قبل كدا

- طيب ياعم عبدالله هل تسريب ارقام التليفونات والايميلات واكونتات الكراش دي اللي مش لاقينها حاجه عاديه وبيانات ملهاش لازمه

اكيد طبعا لا خصوصا ان البيانات دي ممكن يتم استخدامها في social engineering attacks وفي الاحتيال

- طيب عايز تقول ايه !؟

من فتره مش بعيده وانا بقلب في ال darkweb وب research فيه بحكم تخصصي في مجال cyber security واستكشاف اللي بيحصل لقيت حاجه خطيره

- لقيت ايه !؟

لقيت APT تابع لاحدي الدول مخترق مؤسسه حكوميه حساسه جدا تابعه لدوله عربيه ومش بس كدا دول عاملين mapping لل internal network وناشرين Full access للشبكه دي مجانا للغلابه اللي هو احنا مش هنسربلك بضاعه لو نفسك في حاجه خش بنفسك حمل وشيل اللي يعجبك

- الاول بس يعني ايه APT !؟

يعني Advanced Persistent Threat هما بيكونو فريق من الهكرز المحترفين اللي حتي لو قدامهم فريق من المحترفين في السيكيورتي مبيقدروش يوقفوهم

- ليه !؟

لانهم بيستخدمو ثغرات و attacks و techniques بتكون متقدمه ولسه محدش يعرفها فبالتالي ال security solutions مبتعرفش تدافع ضدهم وبالتالي مهمة team السيكيورتي بتبقي اصعب بكتيير وامثله ع ال APTs دول الناس اللي شغاله مع المخابرات الروسيه الناس اللي شغاله مع الصين جروبات زي اللي بيضربو الشركات الكبيره بال Ransomware دول بنطلق عليهم APT مش مجرد Hacking Group عادي بيستخدم طرق تقليديه