هنقولكوا ازاى تقدروا تأمنوا نفسكوا على الانترنت بعد ان تعرض العديد من الناس للاختراق فى الفترة الاخيره
1. المقدمة :
كلنا عارفين جرائم الأنترنت، اللي بتأثر على حياة ناس واحيان كتير بتدمرهم. في الموضوع دا، هشرح اساسيات الحماية الرقمية اللي *المفروض* تكون ثابتة لكل الناس سواء ولد أو بنت.
أولا: متديش رقم موبايلك الا للقريبين
رقم موبايلك ممكن يستخدم عشان يعرف المبتز جميع/معظم حساباتك الشخصية، ودا جزء مهم في تجميع المعلومات.
الأسوء من كدا أن ممكن رقم موبايلك يستخدم لأغراض غير شرعية، أو يتعمل مكالمات منه!
ثانيا: متديش الأيميل لحد
الأيميل ممكن يخترق بكذا طريقة، أولا عن طريق البحث في تسريبات سابقة حصلت لشركات كبيرة فالدخول على الأيميل أو الحسابات المرتبطة بيه أمر أسهل من سلق البيض. وثانيا عن طريق هجمات التخمين ودي هيتم مناقشتها في الموضوع التاني.
ثالثا: حط حد للمعلومات اللي بيتم مشاركتها
حاول تخلي بوستاتك للأصدقاء بس، تجنب الكلام مع غرباء. ومتحاولش تنزل صور كتير ليك "ممكن تراجع الموضوع الخامس لو زنقت عليك خالص".
رابعا: متخشش لينكات مجهولة
اللينكات دي ساعات بتبقى شبه فيسبوك وبيطلب منك يوزرنيم وباسورد، إياك تدخل المعلومات دي.
2. اختيار كلمة السر المثالية :
أي كلمة سر بتتعمل لازم تكون مختلفة عن غيرها، يعني مينفعش أعمل نفس كلمة السر لأكونت الفيسبوك والجيميل وغيره. لأن أي تسريب في أي خدمة منهم ممكن يوقع بقية الحسابات زي الدومينو.
كلمات السر زي رقم تليفونك، أو حاجات زي Morad2005، Oreo123، أو حاجة تشبهها سهل جدا تخمينها. بدلا من كدا، ممكن تحط شروط تصعب عمليات التخمين زي :
- يكون عدد حروفه أعلى من 8 حروف
- يكون فيه علامات زي !@#$%
- يكون فيه 3 حروف كابيتال على الأقل
- يكون فيه 3 أرقام على الأقل
- مفيهوش أي نمط تسلسلي زي 1111, 1234, abcd
ومبروك عليك! باسورد أمن!
3. الخصوصية على فيسبوك :
اعدادات الخصوصية على فيسبوك مهمة للغاية.
4. حماية الصور من الاستغلال الخاطئ :
تقنيات الذكاء الاصطناعي اتطورت، ولازم نواكب التطور دا!
أي صورة بتنزل وفيها الشروط دي بنسبة 90% بيتعملها تزييف لصور nudes بالذكاء الاصطناعي.
- تكون موضحة حدود الجسم ككل من برا
- لو اللبس شفاف فدا بيزود الدقة
- الجلد المكشوف الكتير بيبني باقي الاعضاء الحساسة لزيادة الدقة بردو
- لو الصورة مش واخدة زاوية
- لو الصورة جايبة من الوش للرجلين "تفاصيل تقنية شوية: الذكاء الاصطناعي مدرب على بناء عضوين حساسين فلما الصورة بتبقى النص الذكاء الاصطناعي بيخرف"
اللينك دا صورة لقبل وبعد استخدام برامج الذكاء الاصطناعي لعمل nudes "الصور متشوش عليها" : دوس هنا
5. فك ربط المعلومات الشخصية :
فك ربط المعلومات الشخصية يعني أنه مش نفس الميل يتعمل بيه جميع الحسابات، وكذلك رقم الموبايل.
انا "مثلا" ممكن اجيب اكونت الانستاغرام من أني اسجل رقم الموبايل واعمل Sync Contacts، سهلة اهي!
تعليقات
إرسال تعليق