حديقة الحرية واحده من اجمل حدائق القاهرة

يواجه العديد من الناس مشكله فى تحديد نوع الاجهزة الكهربائية للشقه بسبب كثره الانواع

وكل نوع له مميزاته وعيوبه لذلك قمنا بعمل مجموعه من النصائح تساعدكم قبل الشراء :

1. افضل شاشة : سامسونج و ياريت تجيبها سمارت wifi هتفيديك كتير او توشيبا بردو سمارت wifi

بلاش LG عشان من 2016 الموديل بقي مصري و فيه عيوب ف شريط الليد لو لقيت كوري يبقي ممتاز.

-

2. افضل تلاجة : LG و بعدها بيجي ال sharp بلاش توشيبا مفهاش تكنولوجيا نهائي.

-

3. افضل غسالة : LG التايلاندي بلاش المصري فيها مشاكل و الله او السامسونج البولندي و يفضل تكون فول اتوماتيك مش فوق اتوماتيك لانها بتبقي اقوي الفوق اتوماتيك بعد اول صيانه بيبان فيها عيوب متتعدش و بتبوظ اللبس معلش استغلي شوية بس هات حاجة تعيش للعمر و بلاش التوشيبا بردو

لو حبيت تجيب فوق اتوماتيك التوشيبا الافضل.

-

4. غسالة اطباق : اريستون خليك ف 13 فرد حلوة جدا مفيش اي فرق بين 13 او 14 غير درج معالق ملوش اي لزمة و الماتور انفرتر ال 14 مميزة ف الماتور بس اغلي حوالي 4000 جنيه بلاش ال 10 صغيرة مش بتاخد حلل.

-

5. البوتجاز : افضلهم الرويال جاز امان كامل بتايمر ايطالي.

بلاش اي كوك و فريش ابوس ايديكم و الله مبقوش حلوين نهائي.

-

6. السخان : الفيجور الالماني او اريستون لان الالماني ب 5000 جنيه فغالي شوية بس محترم.

-

7. ديب فريز : اريستون التوب بس غالي اوي افضل بديل التوشيبا. الفريش مش وحش بس خدمة ما بعد البيع سيئة.

-

8. شفاط حمام توشيبا شفاط ماطبخ اريستون بس غالي في بديل ذي هانز حلو جدا و يفضل بمدخنة

-

9. مروحة توشيبا او تورنيدو.

-

10. تكييف : شارب السربنتينة النحاس بلاش الالومنيوم.

يفضل بارد بس عشان العداد.

ربنا يوفق الجميع و يسعدكم يارب

دي مش وجهة نظر دي خبرة ف الاجهزة.

و مش شرط شركة نجحة فجهاز يبقي هتنجح ف كله كل شركة مشهورة بحاجة.

متخليش التاجر يرشحلك جهاز هو بيختارلك الجهاز الهيكسب منه اكتر.