اولا: الايميلات اللي من غير Subject
ثانيا: الايملات اللي من غير Body
ثالثا: الايميلات اللي من غير CV اصلا
رابعا: الايميلات اللي موجود فيها ال CV علي ال Drive ومش مديني access عليه
خامسا: الايميلات اللي موجو فيها body ملوش علاقة بالشغل اللي انت مقدم عليه خاللللص
سادسا: اسم ال CV الناس بتعمله حاجات غريبة زي مثلا (converted_CV_From_asd) (123) (finalCV)
سابعا: الناس اللي بتبعت ال CV word
ثامنا: ال CV نفسه بقي ودي الكارثة الاكبر
طيب خلينا متفقين تاني ان دي مشاكل من وجهت نظري وحسب خبرات شخصية وتجارب سابقة عندي سواء مني او من اشخاص اعرفها شغالين في شركات كبيرة
هبدأ امسك كل مشكلة واحاول اتكلم فيها:
اولا: الايميلات اللي من غير Subject
ج: انا المفروض شخص عايز اقدم علي شغل حتي لو اللي قدامي مش منزل في البوست ان يتكتب ايه في ال subject بتاع الايميل مينفعش ابعته فاضي ال logic بيقول اني ابعته بأسم الوظيفة اللي مقدم عليها وانا junior ولا senior دي حاجة هتخلي لو HR او حد من التيم ال Technical بيشوف الايميلات الاول عشان يفلترها لما يبص علي الايميل ويلاقة من غير subject هياخد فكره انك اكيد مش بروفيشنال في شغلك او مش مركز علي الاقل في انك بتبعت CV طيب ما بالك بأنك شغال وبتتعامل مع tasks بفلوس وشغل ل clients!!! فا ياريت وانتو بتقدمو علي حاجة ال subject لازم يبقي مكتوب
ثانيا: الايملات اللي من غير Body
ج: انت ليه تبعت CV عشان تقدم علي شغل من غير ما تكتب حاجة في الايميل انت بتقدم وانت زهقان طيب من الشغلانة او زهقان من الشركة اللي انت بتقدم فيها ؟ طب انت بتقدم ليه ؟ ليه بتروح ترمي ال CV في الايميل وتجري ما تاخد وقتك اكتب حاجة نضيفة في الايميل وال templates موجودة كتير علي النت وغيري زي ما قولت قبل كده كان منزل كلام كتير عن الحاجات دي مينفعش يا جماعة ارجوكم تبعتو الايملات بالشكل ده
ال template اللي انا بستخدمها عمتا اهي يمكن تفيد حد
Dear ####,
I hope you're doing well.
I am interested in applying for this position, I believe that I can make a significant contribution to your organization.
My CV is attached, providing further information, I would welcome the opportunity to meet with you in person to discuss this further.
Regards,
Your name
ثالثا ورابعا: الايميلات اللي من غير CV اصلا و الايميلات اللي موجود فيها ال CV علي ال Drive ومش مديني access عليه
ج: مش عارف اقول ايه بالظبط في الموضوع ده بس يعني لو سمحتم ركزو شوية وانتو بتبعتو ال CV انتو داخلين عشان تقدمو علي شغل فا اهم حاجة انك تبعت ال CV لما متبعتش ال CV انت بتقدم علي ايه طيب؟
لو انت رافع ال CV بتاعك علي ال drive لو سمحت اتأكد انك تبقي مدي اللي انت باعتهولو access عليه او خليه public عشان اقدر اشوفو واقدر اقيم ال CV مش طبيعي اني بعد الشغل والضغط اللي الواحد فيه اني كمان هدخل لكل واحد a request access علي ال drive والشغل ده لان مش طبيعي ان يحصل كده لو مهتمتش بنفسك وبحاجتك محدش هيهتم بيها انا مش فارقلي انت عامل ايه ولا مش عامل ايه فا اهتم بشغلك وبحاجتك ما دام خدت القرار انك هتقدم في الوظيفة دي
خامسا: الايميلات اللي موجود فيها body ملوش علاقة بالشغل اللي انت مقدم عليه خاللللص
ج: انا ليه ابقي بقدم في شغل Business Analyst واقعد اكتب في ال body اني شاطر في ال machine learning ولا ال UI ويتكتب تفاصيل و algorithms وال techinuqes اللي بتشتغل بيها كا .net ده هيفيدك انت بأيه في الشغلانة اللي انت مقدم فيها يا ريت نبقي محددين شوية لو بقدم علي BA position اعتقد الاحسن انك تكتب ال skills بتاعتك عن ال position ده مش علي حاجة تانية الحاجة التانية دي مش فارقة معايا خالص وانت بتقدم علي حاجة غيرها الا في special Cases
سادسا: اسم ال CV الناس بتعمله حاجات غريبة زي مثلا (converted_CV_From_asd) (123) (finalCV)
ج: ليه تسمي ال CV بتاعك بامنظر ده هتخسر ايه لو عملت اسم ال CV مثلا (Amr Ahmed Qasem.pdf) ايه المشكلة في الاسم ده معلش عايز افهم؟ او (Amr Ahmed Qasem CV.pdf)
سابعا: الناس اللي بتبعت ال CV word
ج: بلاش لو سمحتو بلاش يعني لو ممكن بلاش ابعتوه PDF لو مش عارفين تبعتوه PDF ممن تكلف خاطرك وتدور علي google علي online tool بتعمل convert ل PDF مش هتخسر حاجة او ممكن من ال Word -> file-> save as -> select PDF format هتلاقية اتعمل pdf والله لو انت عارف انه المفوض يتحول PDF وكنت بتعدل فيه ارجوك متنساش ومتبقاش مستعجل لو ليك نصيب في الشغلانة ده هتاخدها حتي لو انت اخر واحد مقدم او بعت بعد ما قالو خلاص التقديم اتقفل فا خد وقتك وانت بتقدم
ثامنا: ال CV نفسه بقي ودي الكارثة الاكبر
ج: معرفش ليه كده مع ان ناس كتير جداااا بتتكلم في الحوار ده وفي جهات بتبعتلهم ال CVs وبيعرفو منك انت في track ايه ويراجعو علي الاساس ده زي السفارة الامريكية (دي كانت وانا في تانية كلية معرفش دلوقتي لسه بيعملو كده ولا لا) بس ما علينا مش دي المشكلة
انت ليه وانت بتقدم ال CV في Business Analyst position ليه مش كاتب اي skills تخص التراك ده يعني مثلا مش حاطط حاجة ليها علاقة با Diagrams, SDLC, Technical writing, Documentation, Wireframes ليه مفيش الحاجات الاساسية اللي انا بدور عيلها في الشخص اللي هبقي عايزة في ال position ده ولو انت فريش وبتقدم علي اي حاجة ومش عارف لسه انت مستقر علي track ايه حاول وانت بتقدم علي الشغل تشوف ايه ال skills اللي عندك بتخدم او هتزود فرصك في انك تروح تعمل interviews وخليها في الاول رتب ال skills بتاعتك وانت بتكتبها علي حسب انت بتقدم ايه في حاجات زي ما قولت فوق مش فارقة معايا انت بتعرف تعملها ولا لا
عين الشخص اللي بيشوف ال CV ده بتبقي بتدور علي حاجات كده زي keywords مكتوبة في ال CV ده مش عاشن كروته ده عشان الضغط اللي بيبقي علي الناس دي فا ليه تعمل حاجة زي كده وتتعب اللي قدامك وتخليه قرفان منك من قبل ما يشوفك اصلا او ياخد مجهود زيادة عشان يشوف انت كويس ولا لا لو شاف ال CV كله عشان يطلع الحاجات اللي انت كويس فيها
ممكن تقرو شوية عن ال position اللي مقدمين فيه او تسألو حد من صحابكم شغالين في المجال ده او تسألو علي ال groups و 1000 واحد هيجاوب وهيعرفكم التفاصيل كلها اللي محتاجين تعرفوها او تبقي عندكم عشان تظبطو المعلومات اللي في ال CV عشان ال Poisition ده.
ليه تبقي مقدم علي position BA وتبقي كاتب تحت اسمك انك شغال UI او Tester او اي شغلانة تانية اعتقد دي مكانها مش هنا خالص ابقي اكتبها لو انت مقدم علي UI position مثلا خليكو محددين يا جماعة لو سمحتو
ليه تبقي مستخدم اكتر من لون في ال CV مش فرح ابن العمدة هو ولا هيتقال ال CV ده جامد من الديزاين والاشكال اللي فيه اعتقد لو حد هيبقي محتاج الوان او ديزاينات ممكن يبقي graphic designer position مش BA خالص ولا حاجة Technical خالص وبالمناسبة دي حاجة لسه متقالة ليا انا شخصيا كنت عامل CV بقدم فيه في track تاني غير ال BA وطلبت من حد خبرة اكبر مني انه يعمل Review لل CV ودي كانت من ضمن ال notes عشان كنت مغير ال template الاساسية بتاعتي
وده ترتيب من وجهت نطري بتاع ال CV بتاعي لو ممكن يفيد حد
- Name
- Contact information (mobile - email - Linkedin - Github)
- Education
- Personal info: (birthdate - nationality - Military state)
- Objective
- GP لو انت متخرج من فترة قريبة
- Work experience
- Relevant knowledge
- Personal skills
- Volunteer work
- Languages
- Certificates
في النهاية دي التقسيمة بتاعتي ممكن حاجة متعجبكش او متبقاش حابب الترتيب ده تمام بس اهم حاجة حاول تخلي المهم في الاول ومتتعبش اللي بيشوف ال CV
انا تقريبا خلصت اللي عايز اقوله اخر حاجة بس انا حاولت اني اساعد علي قد ما اقدر وهحاول ارد علي ايميل ايميل من اللي جيه بس هتبقي صعبة شوية بس علي قد ما اقدر بس في النهاية مش حابب الناس تقعد تقول احنا مش بنشتغل ليه والشركات ظالمة والكلام ده لان فعلا المشاكل ده كفيلة انها تخليك متشتغلش في بيتكم حتي فا نهتم بال CV ونهتم بالايميل اللي بنبعته انا لو لقيت عندي 100 CV كويس هجيبهم وهعمل معاهم interviews فا اعملو اللي عليكو متبقوش بتبعتو ال CV عشان هيا حاجة بتعلموها وانتو قرفانين او زهقانين الرزق كده كده هيجي وهيجي في وقته بس نسعي ليه زي ما ربنا قال والسعي مش انك تبعت CV وايميل بالمنظر ده
ممكن تبقي متعرفش او محدش قالك او مصادفش انك قابلت طول فتره الكلية حد اتكلم في الموضوع ده ودي صعبة شويتين لانك المفروض خارج عارف تعمل Search علي الاقل والمفروض في مادة في سنة اولي اسمها Report writing انا مكنتش مهتم بيها بالمناسبة ودي مش حاجة كويسة خالص بس فيها topic عن ال CV والايميلات تتكتب ازاي ممكن ترجعو تبصو عليها وممكن تشوفو tutorial علي ال youtube او تعملو search علي google او تسألو حد علي الجروبات اللي مغرقة الفيسبوك مش هتخسرو حاجة انتو بتتعلمو وبتستفيدو اللي عايز يشتغل ويوصل لحاجة بيتعب وبيجتهد وبيشتغل علي نفسه ودي اول حاجة في الطريق
حرام عليك ممكن تبقي شخص كويس جدا في المجال اللي مقدم فيه ده وعندك skills كويسة جدا بس عشان ال CV والايميل اللي انتي باعتهم دول محدش يفكر يكلمك عشان انت مكسل تبذل مجهود انك تدور ازاي تكتب body او تكتب objective ايه مثلا او تظبط ال CV ازاي
لو بعت ال CV بتاعك لحد عشان يراجعه محدش هيتريق عليك ويقول الفاشل اهو اللي مش عارف يظبط ال CV بالعكس في ناس كتير بتساعد وناس كتير ربنا يباركلها ويكتر من امثالهم بيساعدو بضمير اوي من غير اي مقابل ادخل علي لينكد ان وكلم الناس في الرسايل وقولهم هتلاقي اغلبهم بيرد عليك وبيساعدك
تعليقات
إرسال تعليق