حديقة الحرية واحده من اجمل حدائق القاهرة

هنشرح فى مقال النهاردة ازاى تمرن عضله الباى بطريقه صحيحه وهنقول شوية نصايح يلا نبدأ

 1 - اول حاجه معانا الفوليوم او الحجم التدريبى للعضله وهيتقسم لكذا حاجه :

* لو انت مش عارف تتمرن الفتره ديه كتير او كالمعتاد وفى نفس الوقت عاوز تحافظ على حجم الباى بتاعتك يبقى هتتمرن الباى فى حدود 6 مجاميع فى الاسبوع بشكل مباشر + انك لو بتلعب تمارين سحب زى الضهر مثلاً ده كافى برضوا انه يحافظ على حجم الباى ..

* تانى نقطه معانا لو انت مبتداء ولسه بداء من فتره صغيره او لو انت كنت مريح فتره طويله ولسه راجع التمرين فـ 8 مجاميع فى الاسبوع للباى + تمارين السحب الى هتلعبها ده كافى انه يزودلك حجم الباى او يرجعلك حجمها تانى

* لو انت بقا ملتزم وبدور على اكتر زياده ممكن للباى بتاعتك يبقى 14 لـ 20 مجموعه فى الاسبوع كويس جداً + تمارين السحب الى هتلعبها هيبقى كده كويس جداً انك تزود حجم الباى بتاعتك وتطور من شكلها ..

لو انت بتاخد ستيرويد تقدر ترفعهم لـ 26 ممجموعه فى الاسبوع بجانب تمارين السحب طبعاً ده هيظبط معاك الدنيا

2 - الـ Frequency او تلعبها كام مره فى الاسبوع :

* من مرتين لـ 6 مرات ده المعدل الى تقدر تلعب فيه الباى فى الاسبوع انا عارف ان رقم كبير بس الباى من العضلات الى بتقدر تعمل ريكفر تانى يوم على طول وده بيديك الافضليه انك تقدر تلعبها بالارقام ديه + انك لو التزمت بالفوليوم زى الى مكتوب فوق ده يبقى تلعبها براحتك وانت مطمن لو انت مبتداء وبتلعب طبيعى مبتخودش اى هرمونات والدايت مظبوط يبقى العب من 3 لـ 4 مرات فى الاسبوع كويس جداً ليك

3 - الـ Intensity او تلعبها كام عده ؟

* عضلات الباى من العضلات المشاركه فى كل تمارين السحب وده مش هيخليك تحتاج تلعبها بأوزان كبيره وعدات قليله الافضل ليها انك تلعب بوزن مناسب او تقيل نسبياً وتلعب فى حدود 8 لـ 15 عده.

4 - التمارين :

* هكتبتلك اسم مجموعه من التمارين تقدر تستخدم منهم او لا ديه حاجه ترجعلك ده مجرد حاجه بتكمل الشرح بتاع المقال و هكتب اسم التمارين بالانجليزى مش عشان بتنك عليكم او عشان مبعرفش اترجم بس عشان تعرفوا تدوروا عليها بسهوله وتلاقوا الاداء الصح بتاعها + ان الفاظ التمارين بالعربى بتختلف بين كل مكان ومكان وكل دوله فانا مش هقدر اقول حاجه مناسبه للجميع

Barbell Curl

EZ Curl

Close Grip Barbell Curl

2-Arm Dumbbell Curl

Cable Curl

Incline Dumbbell Curl

Dummbell Twist Curl

Hammer Curl

Dumbbell Spider Curl

Alternating Dumbbell Curl

Cable Rope Twist Curl

ملحوظات مهمه :

* لو انت بتلعب الدراع فى يوم لواحده وعندك الباى مش كويسه دخلها فى اول التمرين

* حاول تلعب الباى مع الظهر وممكن تلعبها مع الرجل كمان لو عاوز طالما ملتزم بالحجات الى بنقولها فوق + انك لو هتلعبها مع عضلات تانيه زى الضهر خالى الباى فى اخر التمرين عشان تقدر تلعب تمرينه الظهر كويس ..

* حاول متخليش يوم ضهر وبعده بيوم تلعب الباى احتمال كبير تاثر على اداءك فى التمرين.