هنتكلم النهارده عن اهم 10 نصائح بالنسبه لجواز السفر او الباسبور الى بيكون مهم لاى حد عشان يقدر يسافر برا الدوله المقيم فيها
١- خلص كليتك ، دراستك و جدد باسبورك بالمؤهل
بتاعك(خريج كذا كذا )
٢- لو بتشتغل جدد باسبورك بالشغل بتاعك
٣- لو ولد و مسافر شغل طلع تصريح العمل (عشان محدش يضايقك في المطار، ممكن يعدوك مرة و التانية هيرخموا )
٤- للولاد بتعوز (تصريح سفر ) لو انت طالب و مسافر في السنة الاخيرة من كليتك،
الورق: (اثبات قيد + صورة البطاقة + صورة جواز السفر+ صورة التاشيرة + قرار وزارى لو انت ف سنة رابعه)
٥-اسأل علي التصريح الامني لبعض البلاد و علي اساس باسبورك مكتوب فية ايه الحوار ده بيتحدد اهميتة من عدمها
(انا كنت مسافره ماليزيا /بلد محتاجة تصريح امني /انا عشان باسبوري مكتوب فية ~طالب~ لازززززم تصريح أمني من مجمع التحرير )
لو مكتوب في باسبورك خريج/ وظيفة يبقي من غير اي حاجة ولا لازم تصريح)
٦- باسبورك اهم من اي حاجة في الرحلة!!!
تحافظ علية زي ابنك!!!!!
جيب شنطه ع بطنك و الفلوس وانت مسافر متتحطشهوش في شنط السفر الكبيره عشان اغلب الوقت الشنط بتضيع او توصل متأخر او متوصلش اصلا
٧- باسبورك لو اتسرق
بتعمل محضر في البلد اللي انت فيها، هيديك وثيقة سفر (تسمحلك تسافر لبلدك تاني لمرة واحدة ذهاب بس)
و بعدين تطلع ع السفارة تبلغ هناك و تقولهم عايز اطلع بدل فاقد
تزززززن بقا عشان هم بينسوا و الخطواط انهم بيبعتوا لمصر مثلا عشان يجيبوا تأكيد انهم يعملولك باسبور و بعدها يجي الموافقة و بعدها تدفع الفلوس و تستني شهر كده يطلعلك باسبور (اخد مع صاحبتي ٧ شهور عشان مزنتش )
٨- شهادة التحركات:
ودي ورقة بتقول انت سافرت فين في اخر كام سنة ، ودي من ضمن الورق المطلوب عشان الشنجن (اول مرة)، يعني السفارة هيا اللي بتطلبها.. لو مطلبتهاش متعملهاش (تروح مجمع التحرير بدري من ٨ الصبح عشان تلحق)
الورق : صورة بطاقة شخصية سارية، صورة اول صفحة في الباسبور والصفحات اللي فيها فيز تانية لو عندك يعني .
٩-عايز تعمل باسبور
تروح الجوازات تملي البيانات
الورق : ستة صور شخصية خلفة بيضاء .
البطاقة الشخصية وصورة ليها
الشهادة الجامعية او اثبات قيد انك طالب
شهادة الجيش وصورة منه لو ولد
قسيمة الزواج لو متزوجه
١٠-السفر كورق
دول اهم الطلبات لأغلب الفيز (شنجن و اسيا )
باسبورك , صورة شخصية, حساب البنك , ورقة تثبت عملك , خطتك او بمعني ابسط حجوزات مؤكدة غير قابلة للأسترجاع للطيارة و الفنادق , الابليكشن بتاعة الفيزا نفسها
لو مسافر شغل يبقي لازم عقد العمل من مكتب الهجرة في البلد اللي رايحلها و شوية ورق تاني و اغلبه زي اللي قولت علية فوق
تعليقات
إرسال تعليق