المانيا من الدول المميزه جدا بوجود معارض دوليه كتيره فيها من تخصصات مختلفه - يعنى لو مهتم ، ممكن تعمل سفريتك بزياره معرض Business وتروح تتفسح كمان ، بس الاسعار ممكن تكون عاليه كتكلفه رحله لانها بتستقبل زورا من اماكن كتيره على مستوى العالم فى التوقيتات اللى زى كده
التوقيت
عايزه تزورها باسعار معقولها لو ده هدفك - هاتروح فى اوقات الشتا وبعيد عن high season فى الاعياد بتعتهم واجازات الصيف والكريسميس هايكون الطيران والاقامه ارخص، .. مع العلم ان اكييد درجه الحراره هاتكون منخفضه فى بعض الشهور
الطيران والاوتيل
لو عايز اسعار معقوله ومستوى كويسه ممكن تحجز فىً اوتيلات ٣ نجوم لو اعلى لو تحب ومناسبه بامكانياتك الماديه ليه لا - غير كده ممكن تحجز باقل فى Hostels , او غرف مشتركه او شقق من Airbnbلو مش مناسب بالنسبه اسعار الاوتيلات فى city center تقدر تحجز اوتيلات بعيده شويه عشان بيبقى سعرها اقل بس اتاكد انها قريبه من محطه باص/مترو/ترام .. هاتفرق معاك كتير عشان تضمن سهوله التنقل حاول احجز طيران قبل الرحله بوقت كبير.. ودى بعض خطوط الطيران اللى بتروح هناك زى مصر للطيران والتركيه ولوفت هانزا والقطريه .. الخ بس مصر للطيران بتكون طيران مباشر من القاهره لبرلين لو مقرر تعمل شربينج .. احجز على مصر للطيران عشان هاتيديلك شنطتين كل واحده ٢٣ كجم 
العمله
العمله طبعا المانيا بتستخدم اليورو واللى يعادل تقريبا 18.40 جنيه - طبعا السعر قبل التعويم كان 7-8 الى 10 جنيه لكوااا ان تتخيلوااا الفرق الشوبنج
الشوبنج مميز جدا فى المانيا وخاصا انا تكون فى اوقات السيل زى دلوقتى وزى اخر يناير اول فبراير من اهم shops اللى ممكن تشترى منها ملابس والاحذيه .. طبعا الشهيره Primark , والبراند الالمانيه C&A، و H&M وZara و Dechimann Shoes وًCCC shoes وماركات تانيه كتير باسعار كويسه ... وطبعا ماتنساش تروح الاوتلت هتلاقى Adidas, Nike, Esprit وغيره بتخفيضات بتوصل الى %70 عندهم shops مميزه جدا فى حاجات Beauty care زى Dm و Rossmann .. ماتنساش تجيب شيكولاته من Lindt ليها shop بتاعها وكمان ممكن لو حبيت تشترى انواع مختلفه من الشيكولاتات ممكن تشتريها باسعار كويسه من السوبر ماركت.لو بتدور على اجهزه الكترونيه هاتروح Saturn حاجه كده محصلتش من كتر ما فى كل حاجه فى الدنيا تحت فكره جهاز وطبعا برده Media Markt المواصلات
المواصلات ممكن تشترى الكارت اللى بيوفرلك المواصلات اللى بيشمل ركوب الباصات والمترو U/S Bhan والترام لعدد ايام علىً حسب رحلتك زى ٢٤/٣٨/٧٢ ساعه - الكارت ده اسمه Welcome card وكمان بيوفرلك discounts فى بعض المزارات والمتاحف. ممكن تستخدم اوبر عادى جدا هناك. الاكل
الاكل فى تنوع كبير فى الاكل - من حيث الاسعار وانواع الاكل اللى موجوده .. يعنى تقدر تاكل ساندوتش ب٣-٤ يورو وكمان تقدر تاكل فى مطعم ب 20-30 يورو .. عايز تاكل اكل عربى .. ممكن تنزل منطقه hermannplatz berlin فيها مطاعم كتير سورى ولبناني وتركى ... الخ الاماكن السياحيه
الاماكن السياحيهبرلين فيها اماكن حلوه وقصور ومتاحف وغيره .. هاقولكوا سريعا كده الاماكن اللى ممكن تروحوها
1- قصر شارلوتنبورغ .. charlottenburg palace
2- بوابة براندنبورغ brandenburg gate berlin
3- عمود النصر berlin victory column
4- برج برلين Berliner Fernsehturm
5- متحف الالات الموسيقيه berlin musical
instrumen
6- مبنى الرايخستاغ Reichstag Building
7- متحف جدار برلين- نقطة تفتيش تشارلي Wall Museum – Checkpoint Charlie
8-متحف مدام توسو برلين Madame Tussauds Berlin
9-متحف بيرجامون أو بيرغامون Pergamon museum
10-جزيرة المتاحف Museum Island
11-متحف برلين القديم والجديد Altes & Neues Museum
12-حديقة حيوانات برلين Tiergarten
13-اكواريوم برلين Aquarium Berlin
14- دانجون برلين Berlin Dungeon
ماينفعش انسى حاجه كمان مهمه
اشهر الميادين
اشهر الميادين Alexander Platz الكسندر بلاتس
Potsdamer platz بوداستامر بلاتس
من الاماكن الجميله جدا اللى ممكن تفضى فيها وقت حلو بين الشوبينج والمطاعم والكافيهات وممكن تحجز الاوتيل بتاعك قريب منهم .
شويه حاجات كده
شويه حاجات كده حاول ماتسالش نفسك سوال وجودى فى المواصلات العامه هما منين هايعرفوا انى معايا تيكت ولا لا؟؟!!! لان فى مره هاتبص قدامك هتلاقيك فى check بيحصل فى الباص او المترو على التذاكر ولو مش معاك هاتدفع غرامه فى حدود 60 يورو وهاتزعل قوى وهما مابيهزروش الشعب الالمانى مش شعب friendly قوى والكمياء بتعتنا ممكن ماتجبش مع بعضها قوى تجربه Hop on Hop off تجربه جميله - انك تاخد باص اللى بيلف المدينه وبيوريك اهم المعالم اللى موجوده وبتقدر تستخدمه من اول اليوم لاخره على حسب نوع التيكيت اللى انت حاجزه .. يعنى مثلا ممكن تحجز تيكيت صالح للاستخدام لمده ٢٤ ساعه او ٤٨ ساعه 
تعليقات
إرسال تعليق