حديقة الحرية واحده من اجمل حدائق القاهرة

 هو انا لو عملت HR Career Shift هلاقى شغل؟

إزاى أعمل HR Career Shift واضمن انى انجح فيه؟

ينفع اعمل HR Career Shift وانا سنى كبير ؟

أسئلة كتير بتجيلى لناس بتشتغل فى وظايف مختلفة وعاوزين يدخلوا المجال وردى بيكون :

دخولك مجال الـ HR مش مرتبط بس بدراستك أو حصولك على شهادة ، وكمان دراستك أو حصولك على شهادة مش ضمان انك تشتغل فى المجال ، وشغلك فى المجال مش ضمن لضمان نجاح إستمراريتك فيه..

يعنى دخولك مجال الـ HR ونجاحك فيه ليه معايير كتير لازم تعرفها وأهمها :

1- اللغة

ممكن تعمل HR Career Shift وانت كويس فى اللغه فده عامل مساعد انك تقدر تعمل الشيفت كارير بشكل اسرع وتنجح فيه ، وممكن كمان تعملة وانت مش كويس فى اللغه وبالتالى نسبة نجاح HR Career Shift هتقل

2- مايكروسوفت (خصوصا الأكسيل)

لو كويس فى الأكسيل وشاطر فده عامل مساعد مهم جدا لاننا بنسخدمه فى المرتبات والتوظيف والداتا والتقيمات ..إلخ

وبالتالى لو بتعمل شيفت كاير للـ HR وفى مشكلة فى الأكسيل فده بيقلل فرصه نجاح الشيفت كارير

3-المهارات الشخصية

زى مهارات العرض والتفاوض والتواصل كلها مهارات مهمة جدا لاى حد بيشتغل فى مجال الـ HR

وبالتالى امتلاكك للمهارات دى اعلى من لو انت بتتكسف او فى مشكلة فى توصيلك للمعلومة او مش بتتعامل بسهوله مع الناس ..إلخ

4- شبكه العلاقات

ومش المقصود هنا واسطة علشان دماغك متروحش لبعيد ، شبكة العالاقات الـ هى عدد وقوة علاقاتك جوة الشركات وفى السوق ومدى معرفتهم باهم صفاتك

هتلاقى لعلاقاتك دى دور كبير فى انهم يزكوك فى الشركات الـ هما فيها ويكلموا صحابهم عنك ولو فى فرص قدامهم انت اول حد يفكروا فيه

5- شخصيتك

شخصيتك كحد تقدر تتكلم وتحل مشكلة وتحملك غضبموظفين مع عدم موافقة الإدارة على حاجة معينه وانت فى النص ما بينهم

شخصيتك فى وقت اعتصام موظفين

شخصيتك فى تحمل ضغوط الشغل واحيانا طريقة تعامل موظف معاك والشركة تقلك معلش احنا محتاجينه

كلها امور بتحدد نجاحك فى المجال الـHRمن عدمه

6- التفاصيل

الإدارة جزء أساسى فيها التفاصيل الدقيقة وفهم ما وراء الأحداث وبالتالى طريقة شغلك فى استيعاب ان كل خطوة وحركة وورقة وكلمة بتكتبهم مهمين بيفرق كتير فى نجاحك من عدمه

7- العزلة والناس

لو بتحب العزلة ومتحتكش كتير بالناس وبتتخنق فى الدوشة وخلقك ضيق هتلاقى صعوبة فى المجال ده، المجال اساسه بنى ادمين وكل بنى ادم وليه طريقته فانت هنا لو مش بتحب فكرة التعامل مع الناس وفهم احتياجتهم واستيعاب طلباتهم وطريقة تفكيرهم وثقافتهم دة هياثر عليك كتير

ومتحاوش تاخد النقطة دى وتقول اى حد بيتعامل مع ناس ،لأ مش اى حد بيتعامل

ناس كتير بتحب تبقى فى مكتب لوحدها وتحب الهدوء ومتحبش مثلا تتعامل مع موظف بيتكلم كتير او بيتشكى كتير ودة حقهم لكن الـ HR ، لأ ، انت مطالب تتعامل وتحتوى الجميع بجميع ثقافتهم

فى النهاية لو هتعمل HR Career Shift بعد النقاط الـ ذكرنها مهم تبدأ كالتالى :

1- قبل اى شهادة معتمده من المانيا أو البرازيل أو غيرها محتاج تدرس المجال على الأرض من الناحية النظرية والعملية

2- على الأرض يعنى مش اونلاين ومش قرايه فى كتاب لأن المجال اساسة احتكاك زى مقلنا فوق

3- تدرس النظرى علشان تشوف شكل استيعابك للتخصص ده إيه

4- تتعلم العملى علشان تشوف هتقدر تطلع قماش وشغل بإيدك ولا الموضوع تفاصيلة ممله النسبالك

5- بعد الخطوات دى تقدر ببساطه تاخد شهادات كبيرة وتسافر وتعمل كل الـ انت عاوزة

6- طبعا اكيد تنمى المهارات الـ اتكلمنا عنها زى اللغه والأكسيل ..إلخ