حديقة الحرية واحده من اجمل حدائق القاهرة

 

اتكلمنا قبل كدا عن منحه الـ ITI ، بس انهردا هنتكلم بالتفصيل شويه عن كل حاجه.

التسجيل بيكون ازاي؟! بتدخل علي لينك الموقع وتسجل كانك بتسجل ف اي موقع جديد اما بالنسبه للناس اللي كانت مقدمه السنه اللي فاتت فـ انت هتدخل بنفس الميل والباسورد بتاع السنه اللي فاتت ( يا رب تكون فاكرهم بس )

وبعد التسجيل في كام خطوه بيتعملو بالترتيب

1- هتلاقي كلمه Acceptance Conditions وتحتها شروط التقديم ومربع كدا هتعمل فيه علامه صح وتعمل next

2- هتلاقي كلمه Personal Information وتحتها فورم باينه اوي يعني هترفع فيها صورتك وتكتب بياناتك كلها ( اكتبهم صح ابوس ايدك )

3- هتلاقي كلمه Educational Information ودي يا سيدي بينات التعليم بتاعتك الشهاده بئي والتقدير وكدا

4- هتلاقي كلمه Deliverables وهنا نبتدي نركز بئي

فالصفحه دي بترفع 4 حاجات بالنسبه للولاد و3 بالنسبه للبنات ( عشان البنات مالهومش جيش )

*اول حاجه: الصوره الشخصيه

*تاني حاجه: صوره البطاقه وش وضهر فصوره واحده

*تالت حاجه: صوره شهاده التخرج ( ولو لسه متخرج والشهاده مطلعتش هتلاقي علامه تحميل اضغط عليها هينزل اقرار انك هتسلم الشهاده قبل يوم 1 اكتوبر ، املاه وارفعه بدل الشهاده )

*رابع حاجه: شهاده الجيش بالنسبه للشباب ، طب لو لسه شهادت الجيش مطلعتش ؟! في اقرار بتحمله برضه وتملاه انك هتسلم الشهاده قبل يوم 1 اكتوبر وبترفعه بدل الشهاده )

بعد مبترفع الورق في الصفحه دي في ابرع الوان

ازرق: يعني انت لسه مرفعتش الورق بتاعك

اصفر: انت حملت ورقك وهو بيتراجع حاليا

احمر: ورقك اتراجع وفيه مشكله

اخضر: ورقك اتراجع وكله وتمام

5- بعد كل دا هتلاقي اخر حاجه Select Tracks لو مش جاهز للامتحان يا ريت متجيش جنب الحته دي دلوقتي ومتختارش التراكات لحد متقرر انت عايز ايه وتكون جاهز للامتحان

وفي الجزئيه دي عندك 3 اختيارت بس انت ممكن تختار تراك واحد بس او 2 بس او 3 براحتك يعني انت مش ملزم تختار 3 تراكات

غير كدا ممكن تختار التراكات فاكتر من محافظه عادي جدا ، بس الامتحان بيكون فمحافظه واحده

طب انا دلوقتي اخترت تراكات وعايز اغيرها ينفع ؟! اه ينفع تغير التراكات لحد قبل دخول الامتحان ( بس ليه تعمل فنفسك كدا ؟ خليك جميل كدا وحدد انت عايز ايه الاول ومتشتتش نفسك )

-----------------------------------------------

طب ايه هيا الشروط !؟

1- درجة البكالوريوس من جامعة معترف بها أو ما يعادلها

2- الحد الأدنى لمتوسط التخرج "جيد"

3- تقبل دفع المتخرجه فخلال 5 سنسن فقط (2014،2015،2016،2017،2018)

4-اجتياز اختبار ال TOEFL بحد ادني 550 درجه

5-يجب أن تكون الخدمة العسكرية للذكور إما معفاة أو مؤجلة أو مكتملة.

*الشروط دي مكتوبه في موقع التقديم بتاع الiti نفسه

*(بس انا اعرف كزا حد اتقبلوا ومعاهمش TOEFL اصلا)

-----------------------------------------------

بالنسبه للمكان المنحه موجوده في 5 محافظات وعشان متحتاروش هكتبلكم كل المعلومات عن كل محافظه ولينك التراكات

1- فرع القريه الذكيه

ودا الرئيسي وبيكون فيه كل التراكات (25 تراك) تقدر تشوفه من هنا

العنوان : الكيلو 28 طريق القاهره اسكندريه الصحراوي - 6 اكتوبر - القريه الذكيه - مبني رقم B148

تلفون: 0235355656

2- فرع الاسماعليه

تقدر تخش عليه من هنا

العنوان: جامعه قناه السويس - الطريق الدائري

تلفون: 0649203358

3- فرع الاسكندريه

تقدر تخش عليه من هنا

العنوان: 1 شارع محمد سعيد - ميدان الشهدا - محطه مصر - فوق مبني البريد

تلفون: 033906924

4-فرع المنصوره

تقدر تخش عليه من هنا

العنوان: جامعه المنصوره

تلفون: 0502202474

5- فرع اسيوط

تقدر تخش عليه من هنا

العنوان: جامعه اسيوط

تلفون: 0882374264

6- فرع مدينه نصر

تقدر تخش عليه هنا

العنوان: احمد تيسير - الجولف - مدينه نصر

تلفون: 0224015552

-----------------------------------------------

بعد متقدم لازم تتابع الاكونت بتاعك علي الموقع دايما لان التعامل كله بيكون من خلاله

بعد مالورق بتاعك بيتقبل وبيتراجع بيحددولك معاد امتحان English & IQ

- هنتكلم عن الـ English & IQ طب حد هيقولي انا مش عايز ادخل ITI بس حابب اتعلمهم ينفع اذاكرهم من هنا ؟! أه عادي جدا لانها نفس الماتريال.

* أول حاجة الـ English :
- عشان متشتتش نفسك الامتحانات من الويب سايت ده 

- والملف دا اسمه (بيسان) هيساعدك جدا انك تزبط الانجليزي بتاعك وخصوصا الجرامر 
هنا

* ثانيا الـ IQ :
- الامتحان بيجي من الكتابين دول (ultimate & 501) حملهم من هنا 

ونصيحة من اخ يعني متزاكرش الكتابين كلهم عشان توفر فـ الوقت وذاكر

- كتاب الـ 501 من اول set 1 لحد set 26
- كتاب الـ ultimate من test 1 لحد test 10
-----------------------------------------------
* ولو اول مره تسمع عن منحة ITI او عايز تعرف تفاصيل اكتر تقدر تشوف خش على المقال من هنا

-لازم تكونوا عارفين ان امتحات ال English & IQ بيكونوا مع بعض فنفس اليوم

- متحاوش تحفظ اسئله

-الامتحان بيكون علي كمبيوتر متاخدش معاك غير ورقه فاضيه وقلم وبطاقتك واقفل الموبايل ، اقفله متشغلش دماغك وتعمله silent

-اول مالامتحان يبتدي هتلاقي timer فوق عاليمين بص عليه كل شويه عشان دا اصعب من الامتحان نفسه

-تحت علي اليمين هتلاقي كلمه اسمها mark احفظ فيها السؤال ال انت مش عارفه واخر الامتحان افتح ال mark هتلاقي فيها كل الاسئله ال انت مش عارفها بدل متدور عليهم وتضيع وقت

بعد كدا بيكون في انترفيو soft-skills و technical علي حسب التراكات اللي انتو مختارينها