حديقة الحرية واحده من اجمل حدائق القاهرة

 قبل طبعا متبدأ فى المجال او فى اى مجال تانى فى السوفت وير لازم تعرف شويه اساسيات بسيطه جدا ومهمه جدا فى نفس الوقت.

1- أساسيات البرمجه.

طبعا دى غير اساسيات ال php , المقصود ب أساسيات البرمجه هيا انك تفهم المفاهيم الاساسيه فى البرمجه ودى ممكن تتعلمها فى اى لغه ويستحسن لو اتعلمتها بلغه low level زى ال سى بلص بلص مثلا. هتتعلم المفاهيم زى ال

variables, loops, if conditions, arrays, functions, etc...

2- البرمجه الكائنيه او ال Object Oriented Programming

فى البرمجه الكائنيه هتتعلم ازاى توظف اساسيات البرمجه وتبنى بيها حاجه منظمه وقابله للتعديل عليها واعاده استخدامها مره تانيه عن طريق مفاهيم

classess, objects , inheritance, polymorphism etc...

3- داتا ستراكشر والجوريزم ...

طبعا دول الكلام فيهم ممكن يطول بس طبعا بأختصار دى الحاجه اللى هتتعلمك ازاى تفكر فعلا صح فى حل المشاكل اللى هتقابلك وازاى تستخدم الحل الانسب والامثل فى اى مشكله برمجيه هتقابلك ... يعنى مثلا اى مشلكه هتقابلك فى الغالب بيبقا ليها اكثر من حل بس لو انت فاهم فعلا الجوريزم وداتا ستراكشر هتقدر تستخدم الحل الاصح والاوفر فى الكود واللى هيستخدم مساحه ووقت اقل ...

لحد كده ال 3 نقط دول بيكون فيهم 80% من اى انترفيو فى الشركات الكبيره والمحترمه.

ودول مزاكرتهم تقريبا مياخدوش اكتر من 6 شهور على حسب مزاكرتك طبعا .

---------------------------------------------------------------------------------

تدخل بعد كده على الحاجه اللى انت عاوز تدخل فيها ومايل ليها اكتر .. (الويب بلغه ال PHP)

1- هتتعلم اساسيات ال PHP وطبعا انت متأسس فا انك تتعلم لغه سهله زى ال PHP

مش هتاخد منك اسبوع ولسها مصادر كتير جدا على النت عشان تتعلمها ومجانه كلها.

2- هتتعلم اساسيات ال front-end

HTML, CSS, JS

3- اعمل مشروع بسيط زى blog مثلا واربطه بالداتا بيز واتعلم ازاى تدخل البيانات وتمسحها وتعدل عليها وكل ده.

4- اتعلم OOP تانى بال PHP الموضوع تقريبا مش هياخد منك 3 ايام لو كنت فعلا اتعلمتها بلغه صعبه زى ال C , C++ .

5- اعمل مشروع بسيط تانى او حول نفس المشروع اللى عملته قبل كده ل classes و objects واعمله كله بال OOP. عشان تفهم اكتر بشكل عملى

6- اتعلم MVC : ودى design pattern او مخطط بتمشى عليه عشان تعمل السيستم بتاعك. ممكن تكتفى بالاساسيات.

ولانه مفهوم داخل فى تكنولوجى كتيره و اطارات عمل كتيره. ولان لارافيل اللى هتتعلمها اخر حاجه مبنيه عليه برده .

7- اخر حاجه لارافيل لان انا شايفها ابسط اطار ممكن تتعلمه وال docs بتاعته بسيطه وسهله جدا وممكن تتعلم منها بسهوله وفى نفس الوقت قويه جدا وسوق العمل بتاعها كويس جدا فى مصر وبره.

--- اخر حاجه طبعا تبنى مشاريع كتيره ب لارافيل لانك كل متبنى فكره هتتعلم منها حاجه فى ال framework ... ولأن المشاريه الكتيره دى هتكون مفيده جدا وهتميزك لما تحطها فى ال سى فى بتاعك لو انت مش عندك خبره تحطها هتكون هيا خبرتك.