عاوز تكون Front-end Developer فى حوالى من 4 - 6 شهور.
فى المقال ده هتعرف تبدأ منين وتبدأ ازاى وهتعرف اى اللى المفروض تتعلمه فى كل شهر من ال 4 شهور ...
اول شهر :
-------------------
حط لنفسك هدف اول شهر انك تعمل موقع لنفسك كامل بإستخدام ال HTML وال CSS وال javascript. وميزه الحجات دى انها مش محتاجه اى امكانيات او ادوات مجرد text-editor و google chrome وشكرا.
يعنى هتتعلم ال html وال css وأساسيات ال javascript مجرد اساسيات بس ال javascript ودول بالكتير اوى أسبوعين . والأسبوعين التانيين من الشهر اعمل الموقع بتاعك.
ثانى شهر وثالث شهر
-----------------
اتعلم javascript ودوس فيها شويه وخد فيها راحتك ( مش لازم تلتزم بال 4 شهور )
لغه ال javascript اهم جزء المفروض تعرفه ك web developer
وانت بتتعلم الجافا سكربت هتفهم أساسيات البرمجه كويس جدا .
هتتعلم يعنى اى DOM ومن خلاله هتقدر تتحكم فى ال html وال css عن طريق ال javascript , هتتعلم ازاى تتحكم فى ال elements الموجوده فى الصفحه او ازاى تشيل وتضيف فيها...
هتتعلم ازاى تستخدم ال events وازاى تستجيب لأفعال ال user لما يعمل كليك مثلا او hover على عنصر ..
---
بعد المرحله دى حاول تعمل app بإستخدام ال javascript او مجرد لعبه بسيطه ومتنساش تطور موقعك اللى انت عملته فوق.
ممكن تتعلم بعدها شويه عن ال jQuery ودى مكتبه من مكاتب ال javascript بتعمل نفس اللى انت كنت بتعمله بس syntax بسيط وسهل ومختصر وبتسهل عليك الدنيا خالص...
كتاب جميل ومهم جدا هيخليك تحترف ال javascript تقدر تشوفه من هنا
فى 2017 ظهرت javascript ES6 زى فيرجن جديد فى الجافا سكربت مهم جدا انك تعرفها وهتسهل عليك شغلك جدا وليها كورسات كتير مجانيه ...
رابع شهر
-------------------
ده الوقت اللى بتستعد فيه عشان تقدم على وظيفه فى المجال ده .....
اعمل مشاريع كتير على قد ما تقدر عشان تبنى خبره ليك..... واحتفظ بيها فى ال portfolio بتاعك وممكن وانت بتكتب ال cv تكتبها..
متنساش ترفع الأكواد على ال Github عشان الناس تشوف شغلك وتعرف مستواك...
تعليقات
إرسال تعليق