أول مابتدخلوا المكان بتحسو بأجواء الحرب من أول المحاكاه بالديكور لغايه العساكر اللي بيستقبلو الزوار بكل ترحاب
البانوراما متقسمه ل 3 قاعات
القاعه الاولي
بتبقي شبه السينيما شويه بتتفرجو علي بدايه إحتلال العدو لارض سيناء و حرب الاستنزاف كامله
القاعه البانوراميه لتانيه
دي بقي بنقعد علي كراسي بشكل دائري علي اسطوانه متحركه و بيبقي قدامك ماكيت لجنود و رصاص و طيارات و دبابات و الاسطوانه بتلف بيك دايره كامله و بتشوف فيها كل تفاصيل الحرب
القاعه التالته
ودي فترة ما بعد الحرب وكل الاجراءات و الخطابات الحقيقيه اللي حصلت و بتحكي عن صمود بورسعيد و الإسماعيلية و السويس قدام العدو
فيها كل حاجه موثقه حقيقيه
الجميل في المكان انه مناسب لكل الاعمار الكبار و الاطفال لانهم بيعملو زي محاكاه بالانيميشن للاطفال في نص العرض عشان يفهموا و يجذب انتباههم
الناس هناك مرحبه جداااا بالزوار و العساكر بتتعامل بترحاب مع الاطفال و مسموح بالتصوير
برا المكان هتلاقي طيارات حقيقيه شاركت في الحرب و هتلاقي ماكيتات عن الدبابات و الاسلحه
لااااااااازم تخلو اطفالنا يعرفو التاريخ ده و لازم تروحو المكان ده لانه يستاهل انه يتراح و يتعرف
التذكره للطلبه 15ج للفرد شامل كل حاجه جوا البانوراما
الافراد العاديين 30ج
الاطفال تحت 6 سنين مجانا
و ذوي القدرات الخاصه مجانا
مكان البانوراما طريق صلاح سالم مقابل عمارات العبور بعد مستشفي العباسيه للصحه النفسيه
ماكيت محاكاه و اللي ورا ده رسومات
تعليقات
إرسال تعليق