٣١ دولة فيزتهم عند الوصول للمصريين ومعظم العرب
يعني بتحتاج بس باسبورك و تذكرة طيرانك
1- Laos
بلد جميلة ورخيصة جدا في جنوب شرق اسيا
2- Vietnam
لو اول مرة تزوروا بلد في اسيا هتحبوا تجربوا بجانب الطبيعة و البحر و الاكل زيارة معابد بوذية و هندوسية كتيرة
3- Maldives
لا يا جماعة المالديفز مش لازم تكون غالية و مش جزيرة للهاني مونيرز او الكابلز بس
4- Nepal
البلد زي معظم بلاد اسيا رخيصة جدا ومن اكتر الأنشطة المشهورة هي اليوجا ريتريتس يعني تعيشوا فوق جبل كده لمدة اسبوع او شهر او اكتر تاكلوا صحي تلعبوا يوجا تتأملوا في الطبيعة
5- lebanon
اتكلمت كتير عن جمالها
6- Cambodia
قعدت هناك شهر كنت مخططة اعيش فترة هناك و اشتغل مدرسة انجليزي لكن مضبطش للاسف .. بلد لذيذة مش غالية
7- Zimbabwe
اكتر مكان مشهور زيمباوي هو شلالات فيكتوريا وسمعت من بعض اصدقائي الي لفو في افريقيا ان السفاري هناك ارخص من كينيا
Burkina faso -8
بلد معرفش عنها اي حاجة وسايباها لحد ما اروح و اعرف بنفسي
9- Ghana
اول ما بسمع اسم البلد دي بفتكر لما كسبناهم في ماتش و بعدين رجعوا كسبونا تاني باين
10- togo
توجو تبقى جمب غانا على طول و زيها زي معظم البلاد الافريقية محتاجين تاخدوا حذركم و متاخدوش معاكم اي حاجة او لبس غالي
11- Cabe Verde
او الراس الاخضر دي بلد جزيرة في غرب افريقيا او بالأصح هي مجموعة جزر بركانية مع بعض و الجو هناك طول السنة حلو
12- Comoros
جزر القمر بردو بلد افريقية مكونة من جزر بركانية و هي ايضا دولة عربية بس مش عارفة ليه مش مشهورة زي معظم الدول العربية
13- Ethiopia
اثيوبيا من اكتر البلاد الاندر ريتيد او يعني مش واخدة حقها، اه هي مش اكتر الدول امانا خالص لكن الناس و القبائل و كمية الثقافات المختلفة و التجارب الي هتتعرضلها و تشوفوها يستحق انها تتزار
14- Guinea- bassau
بلد تعتبر جوة غينيا بس هي مستقلة و اللغة الاساسية فيها هي البرتغالي لانها كانت محتلة من البرتغال
15- Madagascar
مدغشقر تبقى جزيرة في شرق افريقيا بس يعني الطيران ليها ببتاع 50 الف جنيه مثلا
16- Mauritania
طبعا انا كنت عارفة ان موروتانيا بلد مسلمة جمب المغرب و الجزائر في شمال افريقيا لكن مكنتش اعرف انهم بيتكلموا عربي
17- Mozambique
بلد في جنوب افريقيا بيتكلموا فيها برتغالي بردو عشان البرتغاليين كانوا محتلنهم و هي بلد يعتبر كبيرة جدا وكلها مطلة على المحيط الهندي ففي شواطىء كتيرة ممكن تتراح هناك
18- Senegal
قابلت انا بنت سنجالية كانت بتسافر كينيا لما كنت هناك و قعدت تكلمني كتير عن ان السنجال من اجمل البلاد في افريقيا و اني لازم اروح هناك و مش عارف ايه وبعدين سألتها انتي عايشة في السنجال يعني قالتلي لا اتولدت و عايشة طول حياتي في فرنسا قلتلها مااشي سلام عليكم .. بيتكلموا فرنساوي هناك بالمناسبة للناس الفرينش
19- Seychelles
بردك هي جزيرة حلوة اوي والله لكن حرفيا موقعها في وسط المحيط كده و الطيران ليها بالشيء الفلاني ف ما علينا
20- Somalia
مش هكدب عليكم .. الصومال على ليستة اخطر 5 بلاد في العالم ففكروا كويس قبل ما تروحوا
21- uganda
رحتها اول السنادي بعد كينيا و كانت تجربة جميلة اوي
22- rwanda
رحتها بعد اوغندا وللاسف بعد ما وصلت بقى في حظر كامل فمشفتش حاجات كتيرة هناك
23-tanzania
رحت فيها زانزيبار و عملت عنها فيديو بكل الي عملته هناك و الاسعار بردو
24- yemen
اليمن للاسف بردو بقت بتصنف من اخطر 10 دول في العالم و الوضع فيها غير مستقر حاليا و اتمنى من كل قلبي للشعب اليمني انه يحس بالامان و الاستقرار تاني
25- Nicaragua
طيارتنا و نسيب اسيا و افريقيا ونطلع على امريكا الوسطى ، نيكاراجوا من البلاد القليلة هناك الي نقدر نروحها من غير تقديم على فيزا
26- Bolivia
ومن امريكا الوسطى ننزل على امريكا القمر اللاتينية . بوليفيا بين 5 بلاد قمر زيها الارجنتين بيرو البرازيل باراجواي و تشيلي
وبعدين عندنا 5 جزر بس دول مستقلة يعني في وسط المحيط بردو ممكن تروحلهم عوم في حوالي 3 سنين من اي بلد في العالم لحد ما توصلوا:
27- Timore leste
28- Marshal islands
29- Palau
30- Samoa
31- Tuvalu
تعليقات
إرسال تعليق