هنكتب ال CV مع بعض على هيئة خطوات ونبدأ بأول حاجة
وهي بيناتك الشخصية الى ليها علاقة بالكونتاكت بتاعك :
1- اسمك يكون بخط كبير اسود Bold
2- عنوانك بلاش تكتب عنوانك بالتفصيل يعنى مش لازم تكتب اسم الشارع ورقم العمارة وكدة يعنى اكتب بس اسم المحافظة و المنطقة وحاول تكتب اسم اقرب منطقة مشهورة ليك يعنى مثلا انت ساكن فى التعاون او المطبعة اكتب الهرم على طول لان كل الى يهم ال HR انو يعرف انت قريب من مكان الشغل ولا لا عنوانك بالتفصيل مش هيفرق معاة فى حاجة .
3- رقم تليفونك طبعا لازم يبقى رقم موبايل اوعى تحط رقم البيت يحسن الراجل يتصل الحاج يكون مضايق يقعد يقول لل HRانت مين وعايز الواد فى اة او اختك تكون مش طيقاك تقوم قافلة السكة فى وشو الشغلانة تروح وهتتحط Black list كمان فيبقى رقم موبايل واحد او بالكتير اوى ى ى رقمين ولازم يبقو دايما متاحين .
4- الايميل الكارثة الكبرى ايميلك لازمممممممم يكون professional يعنى يبقى اسمك و اسم عائلتك مثلا زى كدا مثلا ahmedsameer94@gmail.com اوعى تكتب الايميلات بتاعت soso w toto w dodo الكلام دة يودى فى
دايهة هيتعملك rejection من قبل ما يكمل قراية
خلصنا الجزء الاول من ال CV و دلوقتى نبدأ فى الجزء الثانى :
1- ال summary :
ودة بتكتب فية الوظيفة الى انت مقدم عليها بخط كبيرBold وتحتها بتكتب سطرين عن الى انت بتقدمة للشركة
من خلال وظيفتك يعنى بتكت فية انت بتعرف تعمل اة وهتفيد الشركة بية.
2- ال Education :
يعنى التعليم بتاع سيادتك ودة بنكتب فية الاتى :
• السنة الدراسية بتاعتك دة لو انت طالب و لو خريج بتكتب
Bachelor of commerce يعنى بكالريوس تجارة
Bachelor of law يعنى ليسانس حقوق ( ليسانس ) كلمة فرنساوى مش انجليزى = D
• الكلية بتاعتك (تجارة - حقوق – علوم سياسية)
• القسم بتاعك يعنى مثلا لو انت تجارة يبقى Accounting او Business و كل واحد على حسب الكلية بتاعتة
• الجامعة بتاعتك (القاهرة – عين شمس – MSA- حلوان )
• التقدير بتاعك بيتكتب فى حالة انو جيد فيما فوق لو مقبول متكتبوش و لو انت من العيال الجامدة الى بتجيب جيد وفوق ال 75% يبقى تكتب التقدير وجنبىة الدرجة زى كدا مثلا جيد (78%) ونفس الموضوع لو جيد جدا
• طبعا لو معاك ماجستير او دكتوراة او شهادة كبيرة من اى جامعة زى ال MBA او ال CMA بتكتب بردو هنا .
الجزء الثالث والاخير من خطوات كتابة ال CV يلا بينا :
1- ال work experience:
ودية يا سيدى خبراتك فى السوق العمل يعنى الشغلانات الى استغلتها بنركز فيها على الشغلانات الى متعلقة بالوظيفىةالى انت مقدم عليها يعنى مثلا انت مقدم على محاسب فى شركة بيبسى وكنت شغال محاسب فى شركة فودافون يبقى اول حاجة هتكتبها انك كنت محاسب فى شركة فودافون لانها متعلقة بالوظيفة الى
انت مقدم عليها وهى المحاسب وبعد كدا بتكتب الشغلانات التانية الى انت
اشتغلتها بس ملهاش علاقة بطريقة مباشرة بالوظيفة الى انت مقدم عليها بس بردو لازم تختار الوظائف الى اثرت عليك و اضافتلك مهارات جديدة قدرت من خليلها انك ترفع من مستواك فى وظيفتك الاساسية يعنى متكتبش انك كنت شغال فى السنترال او محل النضارات الى تحت بيتكو = D بنركز على الوظائف الى اضيفتلنا ميزة تنافسية بس.
2- ال Internships:
ودية التدريبات الى انت اخدتها خلال فترة الدراسة مثلا يعنى كنت بتدرب فى بنك او شركة او اى مؤسسة .
3- ال Extracurricular activities: ( مهمة جدااااااااااا)
ودية بقى هيا الانشطة التطوعية الى انت شاركت فيها واستفادت منها حاجات فادتك فى ال career بتاعك او على المستوى الشخصى كصفات جديدة اضيفت ليك او صفات اتغيرت فيك للاحسن زى مثلا (رسالة – مصر الخير – صناع الحياة - ....) او الانشطة الطلابية الى فى الجامعة زى مثلا (Enactus -comet – update - AIESEIC )وغيرها و خد بالك وانت بتكتب الحاجات دية متكتبش الاختصارات بتاعتها و توضح المؤسسة او النشاط الطلابى هدفة اة و دورك او وظيفتك فى المؤسسة كان اة بشكل مختصر و بسيط.
4-ال Scholarships:
ودية المنح الى انت اخدتها سواء برة مصر او جوة مصر وبنحاول بردو نركز على المنح الى فاديتنا فى ال career الوظيفى بتاع الوظيفة الى انت مقدم عليها .
5- ال skills:
ودية المهارات بتاعتك واحنا بنقسمها لى 3 اجزاء :
• Language skills:
يعنى الغات الى انت بتتكلمها وبتحاول نوضح مستواك فى المهارات الاساسية للغة دية
يعنى مثلا good in listening , very good in writing, good in speaking, very good in reading
• Technical skills:
ودية الكورسات الى انت خدتها فى مجال الوظيفة الى انت مقدم عليها بس يعنى محاسب خد كورس مهم فى المحاسبة او مهندس واخد كورس فى حاجة ليها علاقة بالهندسة و هكذا
• Computer skills:
ودية بتكتب فى مهاراتك فى استخدام الكومبيوتر ويتححد مستواك فى كل برنامج لواحدة يعنى مثلا
Very good at Excel, very good at word يعنى من الاخر اى حاجة ليها علاقة بالكمبيوتر بتكتب هن
و خد بالك كورس ال ICDL مبقاش يتكتب لان بقى ضعيف قوى وفى حاجات نزلت بعدية دلوقتى و مصر كلها خدتة فبقى مش حاجة مميزة فى ال resume
6 – ال personal information :
• تاريخ ميلادك Date of birth
• حالتك الاجتماعية marital status
• موقفك من التجنيد military status
• الجنسية لو مقدم على حاجة برة مصر
وبكده خلصت كتابه الـcv
------------------------------------------
الخطايا العشر فى كتابة ال CV
--------------------------
1- الصورة بتاعتك متحطهاش ألا اذا طلب منك دة غير كدة متحطهاش ولو هتحطها تبقى صورة بروفشينال ولازم تبقى لابس فورمال فيها و بالنسبة للبنات تقلل المكياج الى بتحطة دة صورة شغل مش فرح
2- ال career objective لازمممممم لو هتكتبة تكتبو بأسلوبك و اوعى تنقلة من اىحتة و الافضل متكتبوش و تكتب الوظيفة الى انت مقدم عليها بخط اسود Bold وتكتب تحتها سطرين عن دور الوظيفة فى الشركة يعنى ال mission بتاعتك
3-ال soft skills زى انك (hard worker- flexible – negotiation skills- persuasion skills presentation skills ) متكتبهاش خالص لان ال HR هيسألك على كل واحدة فيهم وهيقولك قولى موقف يثبت ان فيك الصفة دية وسعتها ممكن تتلخبط والانترفيو يفلت منك بس انت ممكن تشير للصفة دية بأسلوب احترافى شوية وهيا مثلا انك تذكر وظيفة اشتغلتها او نشاط طلابى كنت فية بتستخدم فية الصفة دية يعنى انت كنت شغال فى ال Public relation يبقى اكيد عندك presentation skills بحكم وظيفنك او انك كنت head فى نشاط طلابى معين يبقى اكيد عندك leadership skills وهكذا دواليك
4- كورسات الانجليش و ال ICDL مش بتتكتب فى الكورسات كفاية قوى انك تكتب مستواك فى الانجليش فى language skills و مستواك فى استخدام الكمبوتر و خاصتا ال office و تكتبة فى ال computer skills
5- اكتب التقدير بتاعك فى حالة انو جيد فيما فوق ولو تقديرك جيد وفوق ال 75% اكتبة واكتب جنبة الدرجة بتاعتك اوعى تفكر تكتبة لو هوا مقبول لان دية تعتبر نقطة ضعف بالنسبالك و احنا بنكتب نقط القوة بس طبعا
6- لو خدت اى كورس و مـأضفش ليك كتير او كان كورس تعبان متكتبوش خالص ولو خدت كورس من فترة كبيرة و نسيتو قدام حل من الاتنين لأما ترجع تذاكرة من الاول لأما متكتبوش خالص لأنك هتتسأل علية فى الانترفيو ولو معرفتش تجاوب سعتها هتبقى مشكلة
7- قولنا طبعا ان التواريخ بتاعت كل حاجة فى ال CV لازم تبقى مكتوبة من الأحدث للأقدم او من الاقدم لاحدث بس كلة يمشى بنمط واحد ولو مدة الكورس او الدراسة كان مبينها سنين بتكتب بدأت فى سنة كام وانتهيت منة فى سنة كام مش بتكتب شهور الا اذا كان الكورس مدتة اقل من سنة وبتكتبها بالشكل دة مثلا ( Jan 1 - Sep 30 )
8- نحاول نظبط الخط بتاعنا يعنى الاسم بتاعى و الوظيفى الى مقدم عليها ولو ادربت او اشتغلت فى مكان كبير و معروف فى المجال بتاعك اكتبو بخط كبير وواضح عن بقية الكلام و خلى بقيت ال CV بردو بخط واضح عشان مضايقش ال HR وهوا بيقرأ الكلام و استخدم خط Times new roman
9- متحطش frame لل CV و متستخدمش الوان فى ال CV خالص و خلى عنوان الفايل بتاع ال CV بأسمك و جنبة الوظيفىة الى انت مقدم عليها و متكتبش اى اختصارات لان ال HR مش بيفهم Technical grin emoticon
10- متكتبش فى ال CV من فوق كلمة CV ومتكتبش جنب رقم التليفون و العنوان والميل كلمة phone او address او mail و لما تبعت ال CV ابعتة PDF لانة فورمال اكتر
---------------------------------------------------------------------------------
و دي شوية مواقع بتساعدك تعمل السي في بتاعك
دي احسن مواقع بتعمل CV محترم
1- CV Maker : اضغط هنا
2- دا موقع اسمه EuroPassCV موجود عليه Template للـCV بالمواصفات
المقبولة عالمياً : اضغط هنا
3- Online CV Generator : اضغط هنا
4- Visual CV : اضغط هنا
5- Your CV Builder : اضغط هنا
تعليقات
إرسال تعليق