لمساعدة الناس اللى محتاجه تعرف الاوراق المطلوبه وخطوات التقديم بالترتيب وبشرح بسيط فى شقق الاسكان الاجتماعى
..........................................................................
اولا : الاوراق المطلوبه للمتزوجين + المطلقات + الارامل
1- صورة البطاقه الشخصيه ساريه للزوج والزوجه
2- قسيمه الزواج او قسيمه الطلاق او شهادة الوفاة كمبيوتر
3-شهادات ميلاد الابناء كمبيوتر
4- قيد عائلى مميكن من السجل المدنى
5- ايصال مرافق حديث كهرباء معداش عليه تلات شهور
6- مفردات مرتب للزوج والزوجه إذا كانت تعمل او شهادة اثبات دخل من محاسب قانونى معتمد فى حاله ان لك نشاط قائم له عنوان
او عندك محل او ورشه مثلا
7- برنت التامينات للزوج والزوجه من مكتب التامينات
8-استمارة ( التقديم + الاقرار) هتلاقيهم بكراسه الشروط
9- اصل ايصال شراء كراسه الشروط من مكتب البريد
10- اصل ايصال سداد المقدم المدفوع فى مكتب البريد
............................................................................
ثانيا : الاوراق المطلوبه بالنسبه للاعزب .
1- صورة البطاقه الشخصيه ساريه
2- ايصال مرافق حديث كهرباء معداش عليه تلات شهور
3- مفردات المرتب من جهه العمل او شهادة اثبات دخل
4- برنت تامينات من مكتب التامينات
5- استمارة ( التقديم + الاقرار ) موجودين بكراسه الشروط
6- اصل ايصال شراء كراسه الشروط من مكتب البريد
7- اصل ايصال سداد المقدم المدفوع فى مكتب البريد
...........................................................................
...........................................................................
خطوات التقديم وارسال الاوراق .
1- شراء كراسه الشروط من مكتب البريد بالبطاقة
واحتفظ بايصال الشراء عشان مطلوب وهتقدمه
2- كتابه بيانات الاستمارة والاقرار المتواجدين بكراسه الشروط واتاكد من كتابه البيانات صح
3- بتروح البريد مرة تانيه تدفع مقدم الحجز وتاخد ايصال سداد احتفظ بيه عشان هتحتاجه فى التقديم .
4- كدة المفروض الورق كله بقى كامل 100%
بتروح سايبر نت ومعاك كل الاوراق بتخليه يعملك صفحه على صندوق التمويل العقاري بالرقم القومي ورقم تليفونك المسجل باسمك . بعد ما يعمل الصفحه بتاعتك بيبعت كل الورق ده بنظام pdf وتيجى رساله ان الورق اتبعت صح
بكدة موضوع التقديم خلص وبالتوفيق
.............................................................................
المرحله اللى بعدها
بعد انتهاء فترة الاعلان.. بيبدا فرز الورق بصندوق التمويل العقاري ووزارة الإسكان والتعمير لمعرفه المستحقين والغير مستحقين
بتظهر النتيجه
لو اترفضت بتروح تاخد فلوسك من بنك الاسكان والتعمير
لو اتقبلت بتعرف من صفحتك فى صندوق التمويل العقاري برقم بطاقتك موقفك .
فتبدا تدفع الاقساط
بعد انتهاء الدفعات مرحله الاستعلام والتخصيص والاستلام
بتتحول لبنك بيطلب تحديث كل الورق ويكمل معاك وتدفع دفعه استلام بتختلف حسب الدخل والسن ويتحدد القسط الشهرى من البنك وتاخد عقد الشقه من البنك
بعدها بتشوف شقتك وتعاينها لو تمام تستلم وتمضى على محضر الاستلام وتروح تقدم على عداد الكهرباء والمياه فى الجهاز
ومبروووك عليك شقتك
اما لو روحت تستلم ولقيت اى ملاحظات فى السباكه او الكهرباء او النجارة او السيراميك او الدهان بترفض تستلم وتخلى مهندس التسليم يصلحلك العيوب دى وهما بيعملوها عشان يخلصوا
لقيت الملاحظات اتعملت تمام بتستلم ومبرووووك عليك شقتك ...
............................................................................
رقم تليفونك الشخصى اللى هتكتبه فى البيانات والتقديم ده اللى هيتسجل فى صندوق التمويل العقاري والبنك وهو ده وسيله الاتصال بيك فبلاش تغير رقم الفون اللى هتقدم بيه
العنوان اللى هيتكتب فى الاستمارة هو العنوان اللى انت ساكن فيه فعلى لان ده اللى هيجى عليه الاستعلام بصرف النظر عن عنوان البطاقه .
الاستعلام الائتماني بتاع البنك لازم وقتها تكون قافل فيزا المشتريات لو فيه وتسد اى قرض عليك
غير كدة طلبك هيترفض فى البنك حتى لو الفيزا مش بتسحب بيها لاااااازم تتقفل والقرض يتسدد .
كل الورق مهم اى ورقه بتنقص بترفض الطلب فاهتم بده .
مفردات المرتب او شهادة اثبات الدخل
تعليقات
إرسال تعليق