حديقة الحرية واحده من اجمل حدائق القاهرة

 

عارف انك ممكن تسافر اربع دول من دول اوروبا الشرقية بفيزا واحده؟

يعني في ضربه واحده هتاخد اربع دول وتشوف اماكن جميله ونفس الوقت هتاخد اختام علي الباسبور

طب ايه القصه ديه واعملها ازاي

مبدأيا الدول دول

كرواتيا

بلغاريا

قبرص

رومانيا

طبعا للي مايعرفش ان تأشيره كرواتيا سياحه بتطلب يكون فيه دعوه موثقه من هناك سواء اللي هايبعتلك الدعوه ده فرد او شركه سياحه وديه صعبت الموضوع عند ناس كتير و تأشيره رومانيا وقبرص بقت محتاجه اوراق ومابقتش بالسهوله بتاعه زمان وبلغاريا الي حد ما مش صعبه

لو قدرت تاخد تإشيره دوله من الدول ديه هاتقدر تدخل التلاته دول التانين من غير تأشيره لكن فيه نقاط لازم تاخد بالك منها

1/ لازم التأشيره تكون Double-entry visa او Multiple-entry visa

2/ وانت داخل المطار لازم يكون معاك حجز فندق مؤكد للمده اللي هاتقضيها في البلد

3/ تأمين طبي شامل بغطي فتره الاقامه

4/ تذكره طيران عوده او لو رايح دوله تانيه يكون معاك تذكرتها

5/ يكون معاك تقريبا 100دولار عن كل يوم اقامه

اسهلهم بلغاريا واصعبهم كرواتيا ومتطلبات التأشيره بلغاريا بتكون كالأتي

جواز سفر ساري

شف حساب بنكي لاخر 6 شهور فيه حركات سحب لايقل عن 60 الف

حجز طيران وفندق يستحسن يكون مؤكد وده سهل هانقول ازاي في بوست لوحده

تأمين طبي يغطي فتره الاقامه لايقل عن 30 الف يورو

خطه للسفر فيها الأماكن اللي انت هاتروحها هناك وتدعم خطتك بتذاكر دخول للأماكن السياحه